Milli Təhlükəsizlik və Müdafiə Şurasının sabiq katibi Aleksey Danilov Ukraynanın Moldovadakı səfiri olacaq.

Ölkə Prezidenti Volodimir Zelenski bu barədə çıxışı zamanı danışıb.

Belə ki, dövlət başçısı Ukraynanın Moldovadakı yeni səfiri vəzifəsinə Danilovun namizədliyi ilə razılaşıb.

“Bizim üçün Moldova həm regionda təhlükəsizlik problemləri, həm də ikitərəfli qarşılıqlı fəaliyyətimiz baxımından son dərəcə əhəmiyyətli dövlətdir”, - Zelenski vurğulayıb.

Xatırladaq ki, martın 26-da Zelenski Danilovu Milli Təhlükəsizlik və Müdafiə Şurasının katibi vəzifəsindən azad edib və ona əvvəllər Ukrayna Xarici Kəşfiyyat Xidmətinə rəhbərlik etmiş Aleksandr Litvinenkonu təyin edib.