“İsrail Qəzza zolağının Misirlə sərhədində yerləşən Rəfah şəhərində hərbi əməliyyat keçirməkdə qərarlıdır və bu, Fələstinin radikal HƏMAS hərəkatı üzərində tam qələbə üçün zəruridir”.

Bu barədə İsrailin Baş naziri Benyamin Netanyahu Niderlandın Baş nazirinin səlahiyyətlərinin icraçısı Mark Rutte ilə görüşündə bildirib.

Bildirilir ki, söhbət zamanı Netanyahu ordunun Rəfaha daxil olmasının müharibənin məqsədlərinə çatmaq üçün böyük əhəmiyyət kəsb etdiyini qeyd edib.

Bundan əlavə, siyasətçilər Qəzza zolağına humanitar yardımın çatdırılması məsələsini müzakirə ediblər. İsrailin Baş naziri Hollandiyanı Fələstin anklavı istiqamətində beynəlxalq dəniz dəhlizinin yaradılması təşəbbüsünə qoşulmağa çağırıb.