“Biz şimal sərhədlərimizdə qarşıdurma yaratmağa çalışmırıq. “Hizbullah” münaqişəyə təhrik etməklə odla oynayır, “Hizbullah”ı dəstəkləyən İran isə bütün Yaxın Şərq regionunda sabitliyi pozmağa çalışır. Əgər “Hizbullah” bizi müharibəyə sürükləyərsə, bunun əvəzini Livanın ödəyəcəyi aydın olmalıdır”.

“The Times of İsrael” qəzeti xəbər verir ki, bu sözləri İsrail Prezidenti İsaak Hersoq Fransa Prezidenti Emmanuel Makronla görüşündə deyib.

Hersoq İsrailin HƏMAS tərəfindən oğurlananların hamısının dərhal azad edilməsi tələbini təkrar edərək, terrorçuların tarixin bəşəriyyətə qarşı ən ağır cinayətlərindən birini törətdiklərini deyib.

“Biz bütün vətəndaşlarımızın tam və dərhal azad edilməsini tələb edirik”, - Hersoq vurğulayıb.