ABŞ Beynəlxalq İnkişaf Agentliyinin (USAID) rəhbəri Samanta Pauer bazar ertəsi Amerika nümayəndə heyətinin tərkibində Ermənistana səfər edəcək.

Bu barədə Reuters amerikalı rəsmilərə istinadən məlumat yayıb .

Onun sözlərinə görə, USAID-in rəhbəri Samanta Pauer və dövlət katibinin Avropa və Avrasiya məsələləri üzrə köməkçisi vəzifəsini icra edən Yuri Kim Qarabağda vəziyyətin gərginləşməsindən sonra ABŞ-ın Ermənistana səfər edən ilk yüksək rütbəli nümayəndələri olacaq.

"Pauer yüksək səviyyəli hökumət rəsmiləri ilə görüşəcək və ABŞ-ın Ermənistanın suverenliyi, müstəqilliyi və ərazi bütövlüyünə dəstəyini, eləcə də Qarabağda yaranan humanitar məsələlərin həllinə sadiqliyini bir daha təsdiqləyəcək”, - deyə mənbə bildirib.