Azərbaycanın işğal altındakı torpaqlarında qondarılmış separatçı-terrorçu rejimin cəmi 1 ildən sonra -2020-ci ildə keçirməyi planlaşdırdığı qanunsuz, saxta “prezident seçkiləri”ndə namizəd olmağa hazırlaşan Samvel Babayan ad-soyadlı adamabənzər məxluq artıq 24 min erməninin imzasını toplayıb.

regionxeberlericom.az Moderator.az-a istinadən xəbər verir ki, bu haqda Rusiya portalında çıxış edən erməni bloger danışıb. Məlumata görə, “prezidentliyə” namizəd olmaq üçün Qarabağdakı “seçici”lərin 10 faizinin imzası toplanmalıdır(guya 103 minə yaxın “seçici” var). Samvel Babayan tərəfdarları isə rejimin və digər namizədlərin təzyiqlərinə rəğmən artıq 24 minə yaxın imza toplayıb.

P.S. Xatırladaq ki, 1993-1999-cu illərdə qondarma “özünümüdafiə ordusu”nun komandanı, “müdafiə naziri” olmuş general-leytenant S.Babayan 1988-ci ildən separatçı erməni hərəkatının fəal liderlərindən olub. O, 1991-ci ildə Azərbaycan rəhbərliyinin sovet ordusunun dəstəyi ilə keçirdiyi “Həlqə” əməliyyatı zamanı həbs edilib və 6 aydan çox Bakıda həbsdə qalıb. Məşhur "qara polkovnik"- Fətullah Hüseynov bu erməni cəlladından əhəmiyyətli ifadələr alıb... Lakin elə Moskvanın da göstərişi ilə S.Babayan həbsdən azad edilib. Və nəticədə 1994-cü ilədək Azərbaycan torpaqlarının işğalında fəal iştirak edib. İndi isə torpaqlarımızın 20 faizinə ağalıq etməyə hazırlaşır...


Paylaş: