Türkiyə parlamentinin sabiq sədri ölkənin Mədəniyyət və Turizm Nazirliyinin paylaşımını etirazla qarşılayıb.

Yenicag.az “Odatv”yə istinadən xəbər verir ki, Türkiyənin Mədəniyyət və Turim Nazirliyinin kinorejissor və aktyor, terrorçu PKK ilə bağlılığı olmuş Yılmaz Güneyin ölüm günü ilə bağlı “Twitter”də “sayğı paylaşımı” etməsi Böyük Millət Məclisinin (TBMM) keçmiş sədri Bülent Arınçı qəzəbləndirib.

Arınç adıçəkilən nazirliyin “Kinomuzun “Çirkin kral” ləqəbli aktyoru, ssenarist, rejissor və yazıçı Yılmaz Güneyi ölümünün ildönümündə sayğı ilə anırıq” paylaşımına aşağıdakı qeydləri ilə əsəbi qarşılıq verib:

“Fikirlər və fərdlər tənqid oluna bilər, ifadə azadlığı toxunulmazdır. Əhməd Qaya, Nazim Hikmət və başqalarını tənqid, yaxud da qəbul edə bilərik. Hər kəsin buna hörmətlə yanaşması lazımdır. Ancaq fikirlərə və sənətə olan hörmət bir qatilə şamil edilməz.

Dövlətin hakiminə silah çəkmiş, öldürmüş və buna görə cəzalandırılmış birinin Mədəniyyət və Turizm Nazirliyi tərəfindən “sayğı ilə anılmasını” qınayıram”.






Paylaş: