Svetlana Tixanovskayanın tərəfdarları tərəfindən ölkədə hakimiyyətin ötürülməsi üçün yaradılan müxalifətin Koordinasiya Şurası Minskdə işə başlayıb.

Bu haqda məlumatı BBC telekanalı yayıb. Şura yeni seçkilərin və hakimiyyətin dinc yolla ötürülməsinin məqsədini elan edib.
Aleksandr Lukaşenko şuranın yaradılmasını hakimiyyəti ələ keçirmək cəhdi kimi adlandırıb və sərt tədbirlərlə hədələyib.
Çərşənbə axşamı Belarusda küçə nümayişləri həftə sonu qədər kütləvi olmasa da, tətillər davam edir.
Bu arada, bu gün AB ölkələrinin liderləri və Avropa Şurasının prezidenti Çarlz Mişel videokonfrans yolu ilə Belarusdakı etirazçılara dəstək olmaq imkanlarını müzakirə edəcəklər.
Litva AB-də qurbanlara yardım fondu yaratmağı təklif edir. Almaniya hakim elitaya qarşı fərdi sanksiyaların lehinədir.

AB-nin Rusiyanı Belarusdakı vəziyyətə hərbi müdaxilənin yolverilməzliyi barədə xəbərdar etməsi gözlənilir.
Avropa Birliyi ölkələri Belarusdakı seçkiləri saxtalaşdırılmış hesab edirlər və nəticələrini tanımırlar. AB xarici işlər nazirləri bu qərara keçən həftə gəlmişdilər.
Belarusda dövlət başçısı seçkiləri avqustun 9-da baş tutub. MSK-nın son məlumatına görə, Lukaşenko 80,1% səslə qələbə qazanıb. Svetlana Tixanovskaya 10,12% səslə ikinci yeri tutub və seçkinin nəticələrini tanımayıb.
Birinci səsvermə nəticələri elan edildikdən dərhal sonra Belarusda hüquq-mühafizə orqanlarının əməkdaşları ilə toqquşmalara səbəb olan kütləvi etirazlar başlayıb.



Paylaş: