Araz çayı üzərində İrandan Dağlıq Qarabağa körpü çəkilməsilə bağlı yeni detallar üzə çıxıb.regionxeberlericom.az bildirir ki, Ovqat.com-un internet üzərində apardığı kiçik araşdırmalar nəticəsində məlum olub ki, 23 fevral 2016-cı il tarixində Prezident İlham Əliyevin rəhbərliyi altına İrana səfər edən geniş tərkibli nümayəndə heyətinin imzaladığı sənədlər arasında mübahisəli saziş ümumiyyətlə yer almayıb.
Belə ki, neçə gündür mübahisəyə səbəb olan sənədin adı bu cürdür: “Azərbaycan Respublikası Hökuməti ilə İran İslam Respublikası Hökuməti arasında Araz çayı üzərində “Xudafərin” və “Qız Qalası” hidroqovşaqlarının və su elektrik stansiyalarının tikintisinin davam etdirilməsi, istismarı, energetika və su ehtiyatlarından istifadə sahəsində əməkdaşlıq haqqında” Saziş”.Həmin vaxt imzalanan sazişlərin siyahısı isə Prezident İlham Əliyevin rəsmi saytının 23 fevral 2016-cı il, saat 16.05 buraxılışında bu cür sıralanır:Digər mənbə: Azərbaycan-İran sənədləri imzalanıb VİDEO“Azərbaycan Respublikası Hökuməti və İran İslam Respublikası Hökuməti arasında fövqəladə halların nəticələrinin aradan qaldırılması, məhdudlaşdırılması və təsirinin azaldılması sahəsində əməkdaşlıq haqqında Saziş”. İmzalayıblar: Azərbaycanın xarici işlər naziri Elmar Məmmədyarov və İranın xarici işlər naziri Məhəmməd Cavad Zərif;

“Azərbaycan Respublikası Hökuməti ilə İran İslam Respublikası Hökuməti arasında gömrük məsələlərində qarşılıqlı inzibati yardım haqqında Saziş”. İmzalayıblar: Azərbaycanın Dövlət Gömrük Komitəsinin sədri Aydın Əliyev və İranın maliyyə və iqtisadiyyat nazirinin müavini, Gömrük Administrasiyasının prezidenti Məsud Kərbasian;

“Azərbaycan Respublikası Hökuməti ilə İran İslam Respublikası Hökuməti arasında baytarlıq və heyvan sağlamlığı sahəsində əməkdaşlıq haqqında Saziş”. İmzalayıblar: Azərbaycanın kənd təsərrüfatı naziri Heydər Əsədov və İranın kənd təsərrüfatı naziri Mahmud Höccəti;

“Azərbaycan Respublikası Hökuməti ilə İran İslam Respublikası Hökuməti arasında elektrik enerjisinin satışı haqqında Çərçivə Sazişi”. İmzalayıblar: Azərbaycanın iqtisadiyyat naziri Şahin Mustafayev və İranın rabitə və informasiya texnologiyaları naziri Mahmud Vaezi;


“Azərbaycan Respublikası Hökuməti ilə İran İslam Respublikası Hökuməti arasında Azərbaycan və İran dəmir yollarının əlaqələndirilməsi haqqında Çərçivə Sazişi”. İmzalayıblar: Azərbaycanın iqtisadiyyat naziri Şahin Mustafayev və İranın yol və şəhərsalma naziri Abbas Axundi;

“Azərbaycan Dəmir Yolları” QSC ilə İran İslam Respublikasının Dəmir Yolları arasında Azərbaycan-İran dövlət sərhədində Astara çayı üzərində dəmir yolu körpüsünün tikintisi haqqında Müqavilə”. İmzalayıblar: “Azərbaycan Dəmir Yolları” QSC-nin sədri Cavid Qurbanov və İranın yol və şəhərsalma nazirinin müavini, Dəmir Yolları Şirkətinin baş direktoru Möhsün Purseyid Ağayi


“Azərbaycan Respublikasının Ailə, Qadın və Uşaq Problemləri üzrə Dövlət Komitəsi ilə İran İslam Respublikasının Qadın və Ailə Məsələləri üzrə Vitse-Prezidentliyi arasında əməkdaşlıq haqqında Anlaşma Memorandumu”. İmzalayıblar: Azərbaycanın xarici işlər naziri Elmar Məmmədyarov və İran Prezidentinin ailə və qadın məsələləri üzrə müavini xanım Şəhindoxt Mövlaverdi;

“Azərbaycan Respublikasının Səhiyyə Nazirliyi ilə İran İslam Respublikasının Səhiyyə və Tibbi Təhsil Nazirliyi arasında səhiyyə və tibb elmi sahəsində əməkdaşlıq haqqında Anlaşma Memorandumu”. İmzalayıblar: Azərbaycanın səhiyyə naziri Oqtay Şirəliyev və İranın səhiyyə, müalicə və tibbi təhsil naziri Seyid Həsən Qazizadə Haşimi;

“Azərbaycan Respublikasının Əmək və Əhalinin Sosial Müdafiəsi Nazirliyi ilə İran İslam Respublikasının Kooperasiya, Əmək və Sosial Rifah Nazirliyi arasında Anlaşma Memorandumu”. İmzalayıblar: Azərbaycanın iqtisadiyyat naziri Şahin Mustafayev və İranın kooperasiya, əmək və sosial rifah naziri Əli Rəbii;

“Azərbaycan Respublikası Dövlət Neft Şirkəti ilə İran Milli Neft Şirkəti arasında Anlaşma Memorandumu”. İmzalayıblar: Azərbaycan Respublikası Dövlət Neft Şirkətinin prezidenti Rövnəq Abdullayev və İran Milli Neft Şirkətinin prezidenti Rüknəddin Cavadi;

“Azərbaycan Respublikası Dövlət Neft Şirkəti ilə Qədir İnvestisiya Şirkəti arasında Anlaşma Memorandumu”. İmzalayıblar: Azərbaycan Respublikası Dövlət Neft Şirkətinin prezidenti Rövnəq Abdullayev və İranın Qədir İnvestisiya Şirkətinin prezidenti Süleymani Əmiri.
 Göründüyü kimi bu sənədlər arasında məlum Saziş görünmür. Elədirsə, Milli Məclisdə retifikasiya olunan “Azərbaycan Respublikası Hökuməti ilə İran İslam Respublikası Hökuməti arasında Araz çayı üzərində “Xudafərin” və “Qız Qalası” hidroqovşaqlarının və su elektrik stansiyalarının tikintisinin davam etdirilməsi, istismarı, energetika və su ehtiyatlarından istifadə sahəsində əməkdaşlıq haqqında” Saziş” hardan meydana çıxıb?
Belə anlaşılır ki, həmin saziş sonradan tərtib olunaraq 23 fevral tarixində imzalanan sənədlər arasına, loru dillə desək, “dürtülüşdürülüb”. Bəs bu fırıldağı hansı nazir, nə məqsədlə edib? Sənədlərdən aydın olur ki, mövcud olmayan sazişi həmin vaxt guya İqtisadiyyat naziri Şahin Mustafayevlə İranın rabitə və informasiya texnologiyaları naziri Mahmud Vaezi imzalayıblar. Zənnimizcə, bu sənəd saxtakarlığının əsl ünvanı da bu detalda axtarılmalıdır.


Paylaş: