ABŞ-ın yüksək vəzifəli rəsmisi bildirbi ki, Vaşinqtonun İrana təqtbiq etdiyi sanksiyalar nəticəsində Tehranın xarici valuyutaya olan çıxışı xeyli məhdudlaşıb. Rəsminin dediyinə görə indən belə İran rejiminin "xaricdə və daxildə zorakılıq və məşəqqətləri" yaratmaq üçün yalnız 10 milyard dollar pulu qalıb.

Azpolitika.info amerikaninsesi.org-a istinadən xəbər verir ki, ABŞ-ın İran üzrə xüsusi nümayəndəsi Brayan Huk cümə axşamı Vaşinqtonda, Xarici Əlaqələr Şurasında etdiyi çıxışda İranın valyuta ehtiyatları ilə bağlı indiyədək məxfi saxlanan məlumaları bölüşüb.

"ABŞ hökumətinin təhlilinə görə, hazırda İranın 100 milyard dollara yaxın valyuta ehtiyatı var. Bununsa yalnız 10% -i İran hakimiyyəti üçün əlçatandır. Bu miqdar sadəcə 10 milyard dollardır," deyə Huk bildirib.

ABŞ rəsmisi həmçinin bildirb ki, İranın yerdə qalan digər 90 milyard dollar ehtiyatına digər millətlər tərəfindən giriş məhdudlaşdırılıb. Amerikadan qaynaqlanan ikinci sanksiya təhdidi qarşısında bütün beynəlxalq maliyyə təşkilatları və qurumlarıİranla hər hansı maliyyə əməliyyatlarında iştirak etməkdən imtina edir.

Beynəlxalq Valyuta Fondunun Yaxın Şərq və Orta Asiya üzrə iqtisadi hesabatına edilən statistik əlavədə İranın ümumi valyuta ehtiyatlarında azalma müşahidə olunur.

Belə ki, 2018-ci ildə 101 milyard dollar maliyyə ehtiyatının azalaraq 2019-cu ildə 85 milyard və 2020-ci ildə 68 milyard dollar olacağı proqnozlaşdırılıb.


Paylaş: