İngiltərənin baş naziri Boris Conson Səudiyyə Ərəbistanındakı neft obyektlərinə edilmiş hücumun arxasında İranın dayandığına əminliyini bildirib.

APA xəbər verir ki, bu fikri o, “NBC”-yə verdiyi müsahibəsində səsləndirib.

“Biz, demək olar ki, bunun İran olduğuna əminik. Pilotsuz uçuş aparatlarının və qanadlı raketlərin istifadə edildiyini nəzərə alsaq bunun necə baş verdiyinə dair başqa bir versiyamız yoxdur. Bu, dünyanı çox çətin bir ssenariyə, çox çətin vəziyyətə salır”, – baş nazir belə deyib.

Qeyd edək ki, ötən gün B.Conson, Fransa prezidenti Emmanuel Makron və Almaniya kansleri Angela Merkel birgə bəyanat yayaraq, Səudiyyə Ərəbistanına edilmiş son hücumun arxasında İranın dayandığını bildiriblər.


Paylaş: