Azərbaycan Respublikasının Prezidenticənab İlham Əliyevə

Surəti: Milli Təhlükəsizlik Naziri cənab Əli Nağıyevə

MÜRACİƏT

Çox hörmətli Prezident!

Mənim sizə yazdığım 23-cü müraciətə də heç bir cavab gəlmədi. Daha mən heç nəyə təəccüb etmirəm. Çünki, sizi istəməyən dövlətə və dövlətçiliyə xəyanət edən öz mənafelərini güdən məmurlardan başqa nə gözləmək olar. Mən indi başa düşürəm ki, məni və həmkarım Valeh müəllimi, 2 ictimai xadimi, dövlətin 2 sədaqətli vətəndaşını 65 yaşı bəhanə edib, əslində, siyasi motivlər əsasında işdən çıxardılar. Açıq etiraf edim ki, bizim ikimizdən başqa respublikada hətta Gəncədə 3-cü işdən çıxarılan əməkdar müəllim yoxdur. Hətta 300-ə yaxın sıravi məktəb direktorlarını da işdə saxlayıblar. Aydındır ki, bunların nəzərində bizim günahımız odur ki, biz təcrübəli pedaqoqlarıq, təmiz adamlarıq, iqtidara xidmət edirik və dövləti, dövlətçiliyi müdafiə edirik. Biz yalnız Heydər Əliyev ideyalarını təbliğ edir, bu gündə onun siyasi xəttini davam etdirən İlham Əliyevi dəstəkləyirik. Bu da onlara xeyir etmir.

Ona görə ki, bu tip məmurlar özlərini üzdə mələk kimi aparıb, əslində dövlətin və təhsilin dağıdılması üçün gizlin iş aparırlar. Bunları mən əminliklə deyirəm. Məsələn: Təhsil Nazirliyinin ümumtəhsil məktəblər idarəsinin müdiri Orxan Abbasovun atası İrşad Abbasov Milli İstiqlal Partiyasının Büro üzvü olub, ömür boyu bu günkü hakimiyyətin əleyhinə işləyib. Ona görə də əvvəllər işlədiyi Gəncə Elm Mərkəzindən Akademik Fuad Əliyevin göstərişi ilə işdən qovulub. Sonradan birdən-birə onu Göyçay kollecinə direktor, oğlu Orxan Abbasovu Təhsil Nazirliyində rəhbər, və digər oğlu Tural Abbasovu Zərifə Əliyeva adına liseyə menecer kimi işə götürdülər. Deməli, bunlar birdən birə kimlərinsə əli ilə təhsilə gətizdirilib və təhsili zəbt etdilər. İkincisi yenə ixtisasca kənd təsərrüfatı işçisi olan məktəbdən, təhsildən anlayışı olmayan, Orxan Abbasovun ailəvi dostu, təsadüfən bir göz qırpımında Gəncə şəhər Təhsil İdarəsinə müdir qoyulan Anar Qədiməliyevdir. Bu adam da 8 il Gəncə şəhərində Access bankda işləmiş və birdən-birə Gəncə şəhərində müəmmalı şəkildə yoxa çıxmışdır. Niyə?- Ona görə ki, bu adam SOROS Həsən kimi tanınan, onun SOROS təşkilatında təhsil almış, SOROS-un qolu olan “Kamil cəmiyyətində” fəaliyyət göstərmişdir. Eyni zamanda 1994-cü il məlum Gəncə hadisələrinin təşkilatçısı Kəramət Kərimovun yaxın qohumudur. Təsadüfi deyil ki, onun digər əmisi nəvəsi Kəramət Kərimovun ən yaxın qohumu, iqtisadiyyatçı ola-ola Gəncə şəhər İcra Hakimiyyətində humanitar şöbəyə məqsədyönlü şəkildə müavin təyin edilmişdir. Çünki, o da təhsilin kuratoru olmaqla birləşib Gəncə təhsilini məhv etsinlər. Anar Qədiməliyev naməlum səbəblərdən əsgəri xidmətdə belə olmayıb. Təhsilə təsadüf düşmüş bir adamdır. Təhsil Nazirliyində və bunların dayaq nöqtəsi, havadarları, nazir müavini Muxtar Məmmədov və şöbə müdiri Eşqi Bağırovdur. Bunlar bir şəbəkə olmaqla ilk növbədə təhsil və hakimiyyət üçün olduqca qorxulu və təhlükəlidirlər. Sizi inandırıram ki, əllərinə məqam düşən kimi ölkədə çaxnaşma salacaqlar. Odur ki, bizi də işdən qanunsuz çıxarmaqla tək bizi yox, sizi yox, özlərini ifşa edirlər. Öz iç üzlərini açdılar. Çünki, onlar bizi istəyə bilməzlər. Xatırladım ki, Orxan Abbasov və Anar Qədiməliyev hər ikisi kənd təsərrüfatı mütəxəssisidir. Bu isə biabırçılıqdır. Hətta Anar Qədiməliyevin Gəncə təhsilindəki törətdiyi saxtakarlıqları saysam qurtarmaq olmaz. Cənab prezident elə məsələlər, elə faktlar var ki, onları mən müraciətdə yazsam həmin adamların havadarları dərhal məni aradan götürərlər. O faktları mən yalnız sizə və Əli Nağıyevə deyə bilərəm çünki, sizdən sonra yeganə inandığım şəxs Əli Nağıyevdir. Bu yazdıqlarımı araşdırsalar əsl həqiqətlər meydana çıxacaqdır. 1994-cü il necə Gəncədə təhlükəli vəziyyət yaranmışdır bu gündə həmin təhlükəli vəziyyət davam edir. Mən 1994-cü il məlum Gəncə hadisələri barədə o zaman ulu öndər Heydər Əliyevə də müraciət yazıb məlumat vermişdim. Yəqin ki, mənim müraciətim Prezident Aparatının arxivində saxlanılır. Cənab Prezident kim nə düşünür, düşünsün. Biləsiniz ki, siz tək deyilsiniz. Arxanızda bizim kimi oğullar var. Mən təkcə Gəncədə yox, bütün Gəncəbasarda alovlu təbliğarçılardan biriyəm, bəlkə də birincisiyəm. Odur ki, yol vermərəm ki, belə insanlar, yəni, müxalifət tör-töküntüləri nə isə baş qaldırsınlar. Sizi inandırıram ki, xaricdə yaşayanlara məlumat ötürənlərdə bəklə belələridir. Biz sözlə bunlara inanmaq olmaz. Yəqin ki, bu yazıdan sonra hörmətli Əli Nağıyev mənim qeyd etdiyim faktları araşdırsa, çox müəmmalı sirlərin üstü açılacaq. Onda görəcəksiniz ki, doğrudan mən və Valeh müəllim 65 yaş bəhanə olunmaqla elə-belə işdən çıxarılmamışıq. Onsuzda dünya dağılsa da qorxmadan, çəkinmədən bütün həqiqətləri sizinlə görüşüb söyləyəcəyəm. Qoy hamı bilsin ki, Heydər Əliyevdən sonra mənim arxam-dayağım İlham Əliyevdir. İndi oğlu istəyirəm mənim qabağıma çıxsın. Emin Əmrullayevdə özündə qətiyyət tapıb bu adamların prinsipinə görə bizim işimizi müsbət mənada həll etsin. Yəqin ki, oda peşman olmayacaq. Müraciətə əlavə olaraq Orxan Abbasovla Anar Qədiməliyevin sosial şəbəkələrdə paylaşdığı və deməkləri ki, biz həmişə biz yerdəyik foto şəklinin surətini və yeni yazdığım Sabiranə bir şeiri sizə göndərirəm. İnanıram ki, gec-tez biz qalib gələcəyik. Yalan ayaq tutar, amma yeriməz, haqq nazilər amma üzülməz. Yaşasın daim və əbədi Prezidentimiz İlham Əliyev! Yaşasın Müstəqil Azərbaycan Dövləti! Bununla da qoy düşmənlərin bağrı çatlasın. Sonda sizi Türk dünyasının Ali ordeni almağınız münasibətilə ürəkdən təbrik edir , sizə bu çətin və şərəfli yolda uzun ömür can sağlığı arzulayıram. Sizi öpürəm və bağrıma basıram.

Hörmətlə : Həsənov İlham Musa oğlu.Azərbaycan Yazıçılar, Jurnalistlər, Aşıqlar birliyinin üzvü,

Respublikanın Əməkdar müəllimi, Şair,İctimai xadim, 8 şeir kitabının müəllifi, 1995-ci ildən YAP-ın üzvü,“Qızıl Qələm” mükafatı laureatı və Prezident mükafatçısı,Gəncə şəhər Veteranlar Şurasının üzvü, Heydər Əliyevin yaxın dostu və silahdaşı.

Əlaqə nömrəsi: 055-333-40-27