Son 1- 2 ildə Bakı Nəqliyyat Agentliyinə 28 milyon manat vəsait ayrılıb, amma Nəqliyyatı İntellektual İdarəetmə sistemi hələ də ortada yoxdur.

regionxeberlericom.az Axar.az-a istinadən xəbər verir ki, bu fikirləri İnternet Forumunun prezidenti Osman Gündüz Nəqliyyatın İntellektual İdarəetmə Mərkəzinin fəaliyyəti ilə bağlı apardığı kiçik araşdırma barədə danışarkən deyib.

O.Gündüz bildirib ki, NİİM-lə bağlı verdiyi açıqlamaya Bakı Nəqliyyat Agentliyi sözçüsünün aqressiv reaksiyasından sonra belə bir araşdırma aparmaq qərarına gəlib.

O.Gündüz bildirib ki, NİİM üçün BNA-ya 28 milyon ayrılması dəhşətdir:

“Nəqliyyatı İntellektual İdarəetmə Mərkəzi Bakı Nəqliyyat Agentliyinə veriləndən sonra bu sistemin bərpası, video-monitorla bağlı texniki xidmət, videorabitə işləri, server, nəqliyyat planlaması və trafik təhlili proqram təminatları ilə bağlı BNA-ya təxminən 28 000 000 manat vəsait ayrılıb.

Təsəvvür edin, son 1- 2 ildə BNA-ya 28 milyon manat vəsait ayrılıb, amma Nəqliyyatı İntellektual İdarəetmə sistemi hələ də ortada yoxdur”.


Paylaş: