Bakının Xətai rayonu, general Mehmandarov küçəsi, ev 80, mənzil 57 ünvanında qeydiyyatda olan “MYPRO” MMC-nin icraçı direktoru Məmmədov Arif Vaqif oğlu Mugan TV-nin direktoru İsmayıl İslamoğluna şikayət məktubu ünvanlayıb.
Onun sözlərinə görə, barəsində danışacağı Sərraf Əliyev adlı şəxslə müştərisi vasitəsi ilə tanış olub:
“2020-ci ilin sonlarında telefon vasitəsi ilə Sərraf Əliyevlə tanışlığımız yarandı. Sərrafla telefonla tanış olduqdan sonra məni görüşə dəvət etdi.
Onunla görüşmək üçün Sərrafın dediyi ünvana getdikdə, Sərraf ofisdə deyil, küçədə, mənim maşınımda danışmağı xahiş etdi. O bildirdi ki, içəridə şərikləri var, onların yanında rahat danışa bilməyəcək.

Sərraf bildirdi ki, 27 ildir bu sahədə çalışır, hədsiz dərəcədə təcrübəsi və geniş biznes əlaqəlari var. Özünün bir neçə aptekləri olub, bir adama inanaraq onunla əməkdaşlıq edib, həmin adam da ona pul ataraq onu müflis edib”.
Arif Məmmədov qeyd edir ki, həmin şəxs ondan dəstək olmağı xahiş edib: “Başqalarına satdığım qiymətə ona mal verim ki, o da satıb çörək pulu qazansın. Sərraf bildirdi ki, mənim satdığım maska və əlcəkləri o başqalarından alıb-satdığı üçün az pul qazanır. Bu səbəbdən birinci əl olaraq həmin məhsulları məndən alıb-satmaq istəyir.
Bundan başqa, məni həvəsləndirmək üçün bir neçə məhsulların da adlarını çəkərək, həmin məhsulları idxal edə bilsək, onların da satışını həyata keçirə biləcəyini təklif etdi. Mən Sərrafın təklif etdiyi məhsullardan sistem şlanqını və şprisi gətirə biləcəyimi bildirdim.
Bildirdim ki, sərmayə qoyan şirkət bizim şirkətdirsə, ölkəyə idxal olunan malların satışını siz həyata keçirəcəyiniz təqdirdə, malın mayasına çəkilmiş xərcləri çıxdıqdan sonra əldə edilmiş gəlirin 70%-i bizim, 30 %-i isə sizin olmalıdır. Ancaq sənə köməklik etmək üçün xərcləri çıxdıqdan sonra qazancı səninlə yarı-yarıya böləcəm. Beləliklə Sərraf məndə ona qarşı böyük etibar və inam yaradaraq onunla əməkdaşlıq etməyə razı saldı.
Sərrafa bildirdim ki, artıq bir konteyner maskam da yoldadır, 1 aya çatar. Bundan sonra Sərraf məndən iki dəfə 13.11.2020 və 17.11.2020-ci il tarixlərində 20 000 ədəd 0.135 manatdan maska aldı və qısa zamanda aldığı malların pulunu ödədi. Sərraf bildirdi ki, sənin maskaların super orijinal maldır, əldə qalmır.
Xahiş etdi ki, hazırda gətirdiyimiz bir konteyner malın satışını da ona verim. Bazarda hər kəsə deyib ki, bu keyfiyyətdə olan məhsulun göy və qara rəngində olan malları gəlir. Mən onunla razılaşaraq bildirdim ki, ona dəstək olacağam ki, ayağa qalxsın, öz biznesini qura bilsin”.

Şikayətdə daha sonra deyilir: “Sərraf aldığı malın pulunu qaytararkən məndən hazırda malımın olub-olmamasını soruşdu. Mən bildirdim ki, hazırda 400 000 ədəd maskam var. Məndən xahiş etdi ki, qiymətində bir az güzəşt edim, bütün mallarımın bir ay ərzində satışını həyata keçirsin.
Biz 0.13 manatdan razılaşdıq. Bildirmək istəyirəm ki, 4 günə Sərraf məndən aldığı 40000 ədəd maskanı satıb pulunu ödədiyi üçün ona etibarım yaranmışdır.
Bu səbəbdən 07.12.2020-ci il tarixində 400.000 ədəd maskanı 0.13 manatdan hesablayaraq Sərrafın Xətai rayonu ərazisində yerləşən obyektinə göndərdim.
05.01.2021-ci il tarixində Sərrafa zəng vurub malın pulunu istəyəndə, Sərraaf bildirdi ki, masqaları rayon apteklərinə verdiyi üçün hələ pulu ala bilmir, yanvar ayının sonuna qədər toplayıb ödəyəcəkdir.
Fevralın əvvəllərində, pulumu istəyəndə dedi ki, gəl ofisə, ödəniş edəcəyəm. Ofisinə getdikdə, yenidən bəhanələr gətirməyə başlayaraq bildirdi ki, guya məndən aldığı malları bir deponun rayonlar üzrə satış təmsilçisinə verib, o da malı satıb pulu ala bilmədiyi üçün iksus içib özünü öldürmək istəyib.
Artıq onun iş adamı deyil, dolandırıcı olduğunu görüb, bunların mənə aidiyyətinin olmadığını, məndən aldığı malların pulunu ödəməsini tələb etdim. Sərraf bir həftəyə ödəniş edəcəyi barədə vəd verərək, mənim pulumu həftədə 5000 manat ödəyə-ödəyə bağlayacağını bildirdi.
Bir həftədən sonra pul istədikdə yenidən bəhanələr gətirməyə başladı. Mən onun “ofisinə” getdikdə, onun “ofisinin” bir qaraj olduğunu gördüm. Artıq aldadıldığımı gördüm. Sərrafdan ya malımı, ya da ki, pulumu verməsini tələb etdim.
Sərraf Əliyev məni sakitləşdirmək üçün özünün təsisçisi və direktoru olduğu “AST GROUP” (VÖEN: 1404902051) MMC adından mənimlə rəsmi müqavilə bağlayaraq qalan pulu 15 gün ərzində ödəyəcəyi barədə vəd verdi.
Bir neçə gün sonra öyrəndim ki, mənim idxal etdiyim və Azərbaycan üzrə rəsmi distrubiteri olduğum maskalar aşağı qiyəmətə satılır.
Araşdırma zamanı mənə məlum oldu ki, Sərraf məndən 0.13 manata aldığı maskaları 0.11, bəzən də 0.115 manata satışını həyata keçirir.
Sərrafın sexinə (qarajına) gələrək ondan pulumu qaytarmasını sərt formada tələb edəndə, üzünü işcisi Natiq bəyə çevirərək dedi ki, Natiq görürsən də mən çalışıram bunun malını aşağı qiymətədə olsa satım pulunu qaytarım, bu da gəlir gör mənə nə deyir.
Mən ondan nə üçün məndən 0.13 manata aldığın malı 0.11 manata satdığını soruşduqda əvvəlcə inkar etdi. Lakin mən onu fakt qarşısında qoyduqda dedi ki, “istəyirəm özüm ziyan etsəm də sənin pulunu verim, özümü sənə etibarlı tərəfdaş kimi tanıtdırım”.
Sərraf barəsində tanışlarım vasitəsi ilə qısa araşdırma apardıqda mənə məlum oldu ki, bu adam mənim kimi bir neçə iş adamlarına pul atıbdır. Sərraf Əliyevin toruna düşən insanlar məhkəmələrə müraciətlər edərək pullarının ödənilməsini tələb etmiş, bu barədə məhkəmə qətnamələri qanuni qüvvəsin alıb icraya yönəldilsə də, icra edilməmişdir.

Sərraf Əliyevdən etdiyim şikayət əsasında aparılmış araşdırma nəticəsində məlum oldu ki, bəşəriyyəti cənginə almış COVİD pandemiyası ərəfəsində o, pula olan hərisliyindən insanların həyatına təhlükə yaradan əməllərdən belə çəkinməmişdir. Belə ki, Sərraf Əliyevin sexindən götürülmüş spirt nümunələri istintaq orqanı tərəfindən ekspertizaya təqdim edilmiş, aparılmış ekspertiza zamanı onun sexindən götürülmüş spirtin küstar üsulla hazırlandığı müəyyən edilmişdir.
Artıq Sərraf Əliyevin dələduzluq əməlləri barədə hüquq-mühafizə orqanlarına rəsmi qaydada müraciətlər etmişəm. İndi buradan iş adamlarına müraciət edərək mənim kimi Sərraf Əliyevin şirin dilinə inanaraq onun toruna düşməmələrini tövsiyə edirəm. Əgər mənim kimi aldanılan şəxs varsa mənimlə əlaqə saxlasınlar”. //reportyor.info//


Paylaş: