Qanunla vəzifəli şəxslərin bizneslə məşğul olması qadağan edilməsinə baxmayaraq məmurlarımızın biznesləri günü gündən artmaqda və inkşaf etməkdədir. Belə məmurlardan biridə Beyləqan rayon icra başçısının birinci müavini Telman Məstanovdur.

Beyləqandan PİA.AZ-a daxil məlumata görə Telman Məstanov rayonun girəcəyində iş adamı Hacı kimi tanınan İlqar Məmmədovla şərikli LUKOİL yanacaq doldurma məntəqəsi açıb. Həmin yanacaq doldurma məntəsəinin bir hissəsinə şərik olan Telman Məstanovun bu yaxınlarda ortağı Hacı İlqarla arasında qalmaqal, daha doğrusu söz söhbət yaranıb. Başçı müavini ilə iş adamı arasında yaranmış söz söhbətin səbəbkarı isə Telman Məstanovun oğlu Vüsal Məstanov olub.

PİA.az-a daxil olan məlumatda bildirilir ki, LUKOİL yanacaq doldurma məntəqəsinə nəzarət edən Vüsal Məstanovun xeyli miqdarda yeyintisi ortaya çıxıb. İddiaya görə yanacaq doldurma məntəqəsində, nə az, nə çox, 30 min manat maliyyə çatışmamazlığl aşkarlanıb və bu da Telman Məstanovla şəriki arasında gərginliyə səbəb olub. Bildirilir ki, İlqar Məmmədov 30 minlik çatışmamazlığa görə Telman Məstanovun oğlunu ittiham edib və İlqar Məmmədov 30 minin geri qaytarılmasını yanacaq doldurma məntəqsini idarə edən Vüsal Məstanovdan və onun atasından tələb edib. Məhz bundan sonra İlqar Məmmədovla Telman Məstanov arasında söz söhbət yaranaraq böyüməyə başlayıb.

Saytımıza daxil olan məlumata görə LUKOİL yanacaq doldutma məntəqəsinin 65 faizinə şərik olan İlqar Məmmədovu başçının birinci müavinini və oğlunu obyektdən qovub. İş adamı qəti şəkildə bildirib ki, 5 günə oğurlanan 30 min manat geri qaytarılmasa şərikliliyə son qoyacaq. Şəriki ilə münasibətlərə son qoymaq istəməyən Telman Məstanov oğlunun üzərinə qoyulan 30 min manatı deyilən 5 gün müddətinə yerinə qoyub.

Bildirək ki, hazırda icra başçısının birinci müavini Telman Məstanovun daim LUKOİL yanacaq doldurma məntəqəsində oturduğu və işə çox az getdiyi deyilir.

Məlumata görə birinci müavinlə rayon başçısı Asif Ağayev arasında ciddi problemlər mövcuddur. İcra başçısı Telman Məstanovu rayonda həyata keçirilən bütün işlərdən kənarlaşdırıb və onunla vidalaşmaq istəyindədir.

Qeyd edək ki, daxil olan məlumatla bağlı PİA.az Beyləqanda başqa bir bir neçə mənbədən bu iddiları dəqiqləşdirib. Digər mənbələr də iddiaları doğrulayıb.


Paylaş: