Ötən həftə Azərbaycanda səhiyyənin inkişafında uzunmüddətli səmərəli fəaliyyətinə görə Cəmil Əziz oğlu Əliyev 1-ci dərəcəli “Vətənə xidmətə görə” ordeni ilə təltif edilib. Qeyd edək ki, Milli Onkologiya Mərkəzinin direktoru C. Əliyevin bu gün 75 yaşı tamam olur. Cumhuriyyet.az-a daxil olan məlumataq görə, C.Əliyevin təltifi onun yubley yaşı ilə bağlı deyil, işin arxasında Milli Onkologiya Mərkəzində yaxın zamanlarda rəhbər dəyişikliyinin olması durur. Mənbənin məlumatına görə C.Əliyev görəvindən alınacaq və bura yeni təyinatın olması gözlənilir.
Milli Onkologiya Mərkəzi ətrafında baş verənlərlə bağlı cumhuruiyyet.az-ı məlumatlandıran mənbənin sözlərinə görə, əsas səbəb bu tibb müəsisəsindən cəmiyyətdə çox ciddi narazılığın formalaşmasıdır. Bildirək ki, bu məsələ ilə bağlı mətbuatda kifayət qədər materiallar, video və audio faktlar yayımlanıb. Bunlardan birini qısa şəkildə olduğu kimi diqqətinizə çatdırırıq:
1. İnsanlar onkoloji xəstəlik şübhəsi yarananda ilk müraciət etdikdə müayinə üçün cürbəcür adlarla 500 manata yaxın pul verməli olurlar.
2. Onkoloji xəstəlik müəyyən edildikdə kimyaterpiya keçmək üçün müayinə sənədlərini müalicə edəcək həkimə çatdırılması insanların özlərinə qadağandır. Həmin müayinə kağızlarını bir korpusdan başqasına aparmaq üçün əməkdaşlara 20 manat verilməlidir.
3. Kimyaterapiya 300 manatdır. Bundan əvvəl də bəzi müayinləri keçmək üçün 60 manatdan 100 manata qədər də rüşvət verilməlidir. Nəzərə almaq lazımdır ki, xərçəng xəstəliyinə tutlumuşlar hər 21 gündən bir kimyaterapiya qəbul etməlidirlər və hər dəfə də eyni pulları verməlidirlər.
4. Bəzi xəstələrin şüa da qəbul etməsi qaçılmazdır. Onun da 28 seansı 1000 manatdır.
İnsan əlindən dəhlizlərdə hərəkət etmək mükün deyil. Təxminən 50 kv.m. sahəsi olan, UZİ, qan analizi aparılan otaqda (foto 3) havasızlıq bir tərəfə insanların sanki Bakı avtobuslarındakı kimi sıx dayanmasını soruşduqda xəstələrin birinin mənə “rəhmətliyin oğlu, bizim gördüyümüz cəhənnəmin yanında bu cənnətdir” cavabı artıq sözə ehtiyac olmadığını göstərdi. Söhbət etdiyim xəstələr, onların qohumları hamısı bir ağızdan əsas problemin pul olduğunu bildirdilər. Kimisi borca düşdüyünü, kimisi faizlə pul götürdüyünü, kimisi isə evini satıb kirayələrdə qaldıqlarını bildirdilər. Əlbəttə, bir yazıda Milli Onkologiya Mərkəzində baş verən faciəni təsvir etmək olmaz, buna kitablar yazmaq, filmlər çəkmək lazımdır. Bu yazıda məqsədimiz bu deyil.
Mənbənin cumhuriyyet.az-a bildirdiyinə görə, Milli Onkologiya Mərkəzinin direktoru postuna iddialılar da meydana çıxıb. Bunlardan biri hazırda Milli Onkologiya Mərkəzinin direktor müavini olan millət vəkili Kamaləddin Qafarovdur. Maraqlıdır ki, digər iddialılar sırasında adı çəkilən də millət vəkilidir. Bu şəxs ürək-damar cərrahı, tibb üzrə elmlər doktoru, Azərbaycan Ürək və Sağlamlıq Assosiasiyası idarə heyətinin sədri, Azərbaycan Respublikasının əməkdar həkimi Rəşad Mahmudovdur. Bildirək ki, R.Mahmudovun ixtisasca tibb sahəsinin adamı olması onun şanslarını artırır. Eyni zamanda K.Qafarovun adı mətbuatda bir çox qaranlıq işlərdə hallanıb.


Paylaş: