“Səlçuk Bayraktarın Azərbaycana gəlməsi mənim üçün gözlənilən və çox qiymətli bir səfər idi. Onun istehsal etdiyi “Bayraktar”ların müharibədə hansı rol oynadığını biz hamımız yaxşı bilirik”

Bunu Moderator.az-a açıqlamasında telejurnalist Mübariz Əsgərov deyib. O, Səlçuk Bayraktarın Azərbaycana gəlməsinin həm də düşmənə bir mesaj olduğunu bildirib:

“Səlçuk Bayraktarın Azərbaycana gəlməsi mənim üçün gözlənilən və çox qiymətli bir səfər idi. Onun istehsal etdiyi “Bayraktar”ların müharibədə hansı rol oynadığını biz hamımız yaxşı bilirik. Bunun əyani sübutunu biz gördük. Ona görə Səlçuk Bayraktarın Azərbaycana gəlməsi həm də düşmənə bir mesaj oldu. Çünki Ermənistanda müharibə qurtarandan sonra müəyyən adamlar revanş haqqında düşünür. Bu onlara da bir revanşdır. S.Bayraktarın Azərbaycana gəlməsini çox yüksək qiymətləndirirəm. Qardaş Türkiyəylə bizim əməkdaşlığımız get-gedə düşünürəm ki, daha sıx olsa, bizim üçün uyğun olar. Həm bayrağımız, həm də “Bayraktar”ımız həmişə ucalıqda olsun. Bir daha uçan “Bayraktar”, bir daha enməz”.



Paylaş: