Səudiyyə Ərəbistanı Yaxın Şərqdə ən uzunmüddətli müharibələrdən olan Yəmən müharibəsinin həll yolununa dair plan təklif edb. Cebhe.info xəbər verir ki, bu barədə "Bloomberg" yazıb.

Planda bir neçə bənd var və onların münaqişənin həllinə kömək edəcəyi təxmin olunur. Xüsusilə münaqişə tərəfləri-husilər və mərkəzi hökumət arasında BMT-nin müşayiəti ilə atəşkəs elan olunması planda yer alıb. Bununla yanaşı, ABŞ və Oman vasitəçi olacaq. Ər-Riyad Yəməndə dövlət qulluqçularına əmək haqlarının ödənilməsinə zamin durub və büdcə vəsaitinin ədalətli bölgüsünü təklif edib. Bura xüsusilə Yəmən neftinin satışından əldə edilən vəsait daxildir.

Səudiyyənin Xarici İşlər naziri Feysal ben Faxran Əl- Səud bildirib ki, yaxın zamanda husilər və mərkəzi hökumət arasında danışıqlar başlayacaq: "Təşəbbüs qüvvəyə minəcək, husilərin razılığını gözləyirik".

Barışıq planını artıq ABŞ dövlət katibi Entoni Blinken v Küveyt hökuməti də dəstəkləyb. Husilər hələlik planla bağlı qəti mövqelərini açıqlamayıblar.

Onların plandakı bəzi maddələrlə razılaşmadıqları bildirilir.

Xatırladaq ki, Yəməndə silahlı toqquşmalar 2014-cü ildən başlayıb. Husiləri İran dəstəkləyir, xüsusilə “Hizbulla"dan hərbi dəstək alırlar. Yəmən ordusu onlara qarşı vuruşur. Səudiyyə Ərəbistanının rəhbərlik etdiyi ərəb koalisiyası Yəmən hökumətinin mövqeyindən çıxəş edir.



Paylaş: