Hələ 2019-cu ildən başlayaraq,“Azəraqrar Dövlət İstehsalat və Emal Birliyi” MMC-nin Aran Regional İdarəsinin direktoru Hikmət Ağayevin qanunsuz və hətta korrupsiya cinayəti hesab olunan əməlləri barədə ölkə mediasında çeşidli məlumatlar dərc edilir.
RealMedia.az xatırladır ki, hələ il yarım bundan öncə ki, yazılan yazılanlardan biri də “Radikal müxalifətin güc mərkəzi Beyləqana köçür – Əli Kərimlinin qohumu aqrar rayonda narazılıq yaradır” sərlövhəli məqalə idi.
Həmin məqalədə korrupsiya, rüşvətxorluq və saxtakarlıqlarla bağlı məqamlara geniş yer ayrılsa da, lakin digər bir diqqət çəkən məqamlardan biri də ondan ibarət idi ki, “Azəraqrar Dövlət İstehsalat və Emal Birliyi” MMC-nin Aran Regional İdarəsinə direktor vəzifəsinə təyin olunmuş Hikmət Ağayev AXCP –nın lideri Əli Kərimlinin yaxın qohumu olması, eləcə də siyasi orenitasiyasının şüphə doğurması ilə bağlı yazılanlar idi. Məhz bu üzdən də həmin yazı KTN-də böyük sensasiaya, rezonansa səbəb olmuşdur. Hətta xatırlayıram ki, bu yazıdan sonra nazir İnam Kərimov Hikmət Ağayevi bir müddət tutduğu vəzifədən – “Azəraqrar Dövlət İstehsalat və Emal Birliyi” MMC-nin Aran Regional İdarəsinin direktorluğundan kənarlaşdırdı. Ancaq çox uzun çəkmədi ki, H. Ağayevin vəzifə həsrətinə son qoyuldu, o yenidən öz işinin başına qaytarıldı.
İdarəçilik anlayışının nə olduğunu bilməyən,dənli və paxlalı bitkiləri bir-birindən ayırd etməyi bacarmayan biri kimi xarakterizə olunan, üstəgəl, siyasi orientasiyası şübhəli olan bir avtomobil alverçisinin hazırda böyük ümidlər bəslənilən, perspektiv gözlənilən aqrar sektorda mühüm vəzifəyə gətirilməsi haqlı olaraq narazılığa, söz söhbətə səbəb olmuşdur.
Söz yox ki, Hikmət Ağayevin KTN-nin “Aran Regional” İdarəsinə direktor təyin edilməsi heç də təssadüfü deyil. Necə deyərlər, “arxalı köpək qurd basar” məsəlində ki, kimi. Hələ o vaxtkı yazılarda qeyd olunurdu ki, KTN – nin “Azəraqrar Dövlət İstehsalat və Emal Birliyi” MMC-nin direktoru Anar Hüseynov Hikmət Ağayevin bacısının kürəkənidir. Hətta onlar arasında maşın alveri olub və şöbə müdirinin H. Ağayevə avtomobil borcu olur və borcun müqabilində də ona vəzifə peşkəş edir.
Bu günləri isə redaksiyamıza keçmiş Beyləqan “Dostluq Damazlıq” Birliyi Sovxozunun (indiki “Azəraqrar Dövlət İstehsalat və Emal Birliyi” MMC-nin Aran Regional İdarəsi – red.) direktoru Hikmət Ağayevin başqa qanunsuz və korrupsiya cinayəti hesab ediləcək hərəkətlərindən şikayət daxil olub.
Şikayətçilər bildirirlər ki, Sovxozun 2200 baş xırda buynuzlu, 120 başa yaxın iribuynuzlu heyvanları var. Bu qədər maldan gün ərzində vur – tut 40-50 litr süd məhsulu satılır. O da qaimə-fakturasız, “levi” satılır. Bildirilir ki, Sovxoza məxsus iri və xırdabuynuzlu heyvanlar arasında artım müşahidə olunmur, baş sayı eyni olaraq qalır. Baxmayaraq ki, adı “Dostluq Damazlıq” Birliyi Sovxozu (indiki “Azəraqrar Dövlət İstehsalat və Emal Birliyi” MMC-nin Aran Regional İdarəsi – red.) olsa da, burda heç bir damazlıq saxlanılmır. Heyvanların əksəriyyəti qısır və ölüvay heyvanlardır. Sahələrində əkilən bitkiləri heç biri məhsul vermir, onlardan toxumluq əldə etmək olmur. Sadəcə olaraq dövlətin vəsaiti havaya sovrulur.
Sakinlərin şikayətnaməsindən bəzi cümlələrin altını cızırıq: “Sovxozun torpaqlarının bir hissəsini yerli məmurlar, bir hissəsini də Hikmət Ağayev başqa-başqa şəxslərə icarəyə verib. Əcaba, bu şəxslərin xüsusi statusları var, biz bilmirik? Bildiyimiz bir odur ki, Əli Kərimlinin dostu və yaxın qohumu Hikmət Ağayev bu işləri öz başına görmür.Onun arxasında KTN-nin şöbə müdiri (“Azəraqrar Dövlət İstehsalat və Emal Birliyi” MMC-nin sədri – red.) Anar Hüseynov dayanır, bu baş verən qanunsuzluqlar, korrupsiya əlamətləri onun göstərişi ilə həyata keçirilir.”

Şikayətçilər bildirirlər ki, hələ Hikmət Ağayev 2019-cu ildə hərəsinin qiyməti 50 manat olan 165 baş ölüvay, qoca sovxoz qoyunlarını özünəməşğulluq proqramı çərçivəsində həyata keçirilən tədbirlər adı ilə bir başını 250 manata rəsmiləşdirərək, Əmək və Əhalinin Sosial Müdafiəsi Nazirliyinin (ƏƏSMN) Məşğulluq Mərkəzinə satmış, əhaliyə satıb və əldə etdiyi pullarıda havadarları arasında bölüşdürüb:“Bu, korrupsiya deyildə bəz nədir? Hikmət Ağayev sovxoza direktor təyin olunan ilk gündən işi gücü torpaq satmaqla məşğuldur. O bunu açıq şəkildə edir və heç kimdən də çəkinmir. O da bildirilir ki, Sovxozun vur-tut 2200 baş qoyunu olsa da, həmin ərazilərdə isə on minlərlə qoyun saxlanılır. Hikmət Ağayev bunları görmür? Əlbəttə görür, çünki həmin əraziləri onlara özü verib, daha doğrusu satıb. Bizlərə isə 1 ha torpağı belə icarəyə vermir. HikmətAğayev vəzifəsindən sui-istifadə edərək korrupsiyayla məşğuldur, o torpağın hektarını 250-300 manatdan başqa-başqa şəxslərə icarəyə verir”.
Bildirilir ki, hazırda “Dostluq Damazlıq” Birliyi Sovxozunun dövlətə heç bir xeyri yoxdur, ziyanından başqa. Burda oğurluqdan tutmuş, korrupsiya cinayətinə, rüşvətxorluğa qədər bütün qanunsuz hərəkətlərə rəvac verilir. Necə ki, 61 baş iribuynuzlu mal-qara bir gecədə oğurlanmışdır.
Şikayətçilər bildirirlər ki, Hikmət Ağayev keçən illəri, 17.04.2019-cu il tarixdə gecə müəssisəyə məxsus 61 (altmış bir) baş qaramalı maşınlara yığdıraraq naməlum istiqamətə aparıb. Baxmayaraq ki, bu oğurluq hadisəsi o vaxtlar müxtəlif media resurslarında ictimailəşdirilsə də, nazirlik bu hadisənin üstünü ört-bastır etmişdir. Hər şey bu qədər bəsitmi, yəni?
Bildirilir ki, Hikmət Ağayevin Sovxozu şəxsi mülkünə çevirməsindən, torpaqları başqa-başqa şəxslərə icarəyə verməsindən, beləliklə də korrupsiyay hüquqpozmalarına şərait yaratmasından, yüz min hoqqasından KTN – də əyləşən hər kəs xəbərdardır, elə nazir İnam Kərimovu özü belə.
İndi bizdə nazir İnam Kərimova sual edirik ki, Hikmət Ağayevi bu vəzifəyə hansı xidmətlərinə görə təyin edib? Onu vəzifəyə irəli çəkəndə niyə maraqlanmayıb ki, bu adam ölkədə xaos yaratmağa cəhd göstərən, dövləti, hakimiyyəti ləkələməyə çalışan AXCP-nın lideri Əli Kərimlinin dostu və yaxın adamıdır. Olmaya, onun özü də…
Qarşı tərəfin mövqeyini dinləməyə və dərc etməyə hazırıq.
RealMedia.az


Paylaş: