“Mən iqtidar olmağa iddialıyam, bütün hədəflərim də buna yönəlib”.

regionxeberlericom.az bildirir ki, bunu Modern.az-a Ümid Partiyasının sədri, keçmiş deputat İqbal Ağazadə deyib.

İ.Ağazadə müxalifət lideri olmaq istəməsi ilə bağlı sualı da cavablandırıb. Bildirib ki, müxalifət lideri olmaq haqqında qətiyyən düşünmür:

“Belə fikrin ortaya atılmasının səbəbini bilmirəm. Bunu ortaya atan şəxslərdən soruşmaq lazımdır ki, hansı çıxışımı əsas götürərək, mənim müxalifət liderliyinə iddialı olduğumu düşünürlər? Əvvəlcə adamı müxalifət lideri edib, sonra iqtidar edirlər”-deyə İ.Ağazadə əlavə edib.

O qeyd edib ki, ictimai fikir, düşüncə adamı belə etməyə çalışır.

“Mənim bütün fəaliyyətim, istiqamətim iqtidar olmağa hədəflənib. Sən iqtidar olmaq istədikcə, fərqli yerlərə çıxarırlar, birbaşa iqtidara getmirsən. Alternativ kimi görməyə çalışırlar. Alternativ etdikdə də hərə bir cür yanaşır. İctimai düşüncədə kim necə qəbul edəcək, bu başqa söhbətin mövzusudur. Mən iqtidar olacağam, müxalifət lideri olmaq barədə düşüncəm, ideyam yoxdur”.


Paylaş: