Məşhur latviyalı bəstəkar və pianoçu Raymond Paulsun arvadı Lana uzun sürən xəstəlikdən sonra vəfat edib.

Xarici medianın xəbərinə görə, bu barədə onun nəvəsi məlumat yayıb.

87 yaşlı Raymond Pauls 61 illik ömür yoldaşını itirdiyinə görə çox təəssüfləndiyini, özünün də halının yaxşı olmadığını bildirib.

Lana sağkən Raymonda tanış olmaları barədə danışıb, “mən onu ilk baxışdan yox, ilk notdan sevmişəm” deyib. Üzünü görmədən pianodakı ifasına vurulduğunu və o gündən sonra bir daha ayrılmadıqlarını söyləyib.