Müğənni Şəbnəm Tovuzlu Türkiyədə çəkdirdiyi klipinin təqdimatını edib. İfaçı “Mən hələ ölməmişəm” adlı mahnısını rejissor Hakan Ocala həvalə edib. 
Bir neçə gün ərzində çəkilən layihə İstanbulda lentə alınıb. Şəbnəm KİV nümayəndələrinin suallarını cavablandırarkən Türkiyədəki konserti ərəfəsində simasını tanıtmaq üçün belə addım atdığını bildirib. O, qonşu ölkə kanallarında, radiolarında, klublarında sözügedən mahnısının səslənəcəyini söyləyib:

“Türkiyədə təklif gəldi ki, İstanbulda solo konsert verim. Bilirsiz, orada bir çox mahnılarım sevilir. Mənim mahnılarımı 50 faiz insan sevir. Tənqid edənlər, ağız büzənlər var. Mən bunu qəbul edirəm, normal haldır. Konsert zalında tamaşaçı qarşısına çıxacam. Onlar konsertdən əvvəl PR məqsədi ilə klip çəkmək istədilər. 
Mən də gecə vaxtı bəstəkarla əlaqə saxladım. Dedim ki, mənə elə mahnı yaz ki, Türkiyə və Azərbaycanda partlayış yaratsın. 4-5 günə mahnı yazıldı. Vaxt az olduğundan bəstəkar qız səsində mənə mahnını oxudu, klipə onun səsi ilə oxuya-oxuya çəkildim. Daha sonra Bakıya gələrək mahnını yazdırdıq. Anidən olan bir şey idi, təklif edən böyük şirkət idi. Mahnını bəyəndilər, ümidim böyükdür. Hər zaman bahalı iş təqdim etmək eşqində olmamışam. Hitə çevrilən mahnılarımın klipi belə yoxdur”. 

Bundan əlavə, təqdimatda sənətçinin həyət yoldaşı Hacı Ramil tərəfindən ona hədiyyə göndərilib. Ş. Tovuzlu üzərinə “Həyatım” yazılan gül çələngi barədə də danışıb:
“Hər zaman həyat yoldaşımdan diqqət və dəstək görmüşəm. Altı ildir ki, yanımdadır. Hər bir xanımın arxasında kişi dayanmalıdır. Çox sağ olsun, hər zaman yanımda olur. Sevgini yaşayan bilər. Onun gözəlliyini, şirinliyini... Sevginin yayı, qışı olmur”.





Paylaş: