Martın 17-də xalq artisti Könül Xasıyevanın konserti baş tutacaq. Çox ağır günlər keçirən K.Xasıyevanın konsertində onu sevənlərlə yanaşı, sənət dostları da iştirak edəcək.

Əməkdar artist Fərqanə Qasımova Moderator.az-a açıqlamasında sənət adamlarının belə günlərdə bir-birilərinə dəstək olmasının vacibliyini vurğulayıb:

“Bildiyiniz kimi Könül xanım son illər səhhətiylə bağlı çox ağır günlər keçirdi. Sənət dostlarımızın çətin durumlarda bir-birinin yanında olması çox mühüm məsələdir. Çünki heç kim bilmir ki, sabah başına nə gələcək. Ona görə də bir-birimizə insanlıq naminə əlimizdən gələni əsirgəməməliyik. İnşallah Könül xanımın baş tutacaq konsertində mən də iştirak edəcəm və artıq biletimi də almışam”.

Qeyd edək ki, K.Xasıyeva uzun müddətdir ki, onurğa iflici və astma xəstəliyindən əziyyət çəkir.


Paylaş: