“Evin həm kişisi, həm də qadını olmaq çox çətindir. Amma mən uşaqlıqdan bunu görüb, öyrəşmişəm. Çünki atamla anam da ayrı yaşayıblar. Mənim anam da bizi tək saxlayıb, bu gücü ondan almışam. Bu mənə çətin gəlmir”

Bunu Moderator.az-a açıqlamasında tanınmış müğənni Sevda Sanaliyeva deyib. O daha sonra bildirib.

“Təbii ki, evin kişi işini kişi, qadın işini qadın görməlidir. Belə olan halda qadın da özünə daha çox vaxt ayırmış, daha az stress, əsəb, həyəcan keçirmiş olar. Mən xoşlayıram ki, bütün işləri görüm və ən azından o işləri bacarım. Hər şeyin öhdəsindən tək gəlmirəm, çünki mən tək deyiləm. Allahın köməyi hər zaman mənimlədir. Kişi işlərindən də artıq başım çıxır demək olar ki. Qadın çox böyük qüvvədir, fədakar canlıdır. Qadın övlada yol göstərən, övlada yön verən, həyat yoldaşı üçün böyük gücdür. Həm maddi, həm də mənəvi cəhətdən. Elə qadın olar ki, ərini göylərə qaldırar, eləsi də olar ki, yerdən-yerə çırpar. Qadın ataya-anaya böyük köməkdir, qocalanda hər zaman valideynlərinin yanında olur. Kişinin bir vəzifəsi var, işləyib evi dolandırmaq, amma qalan bütün vəzifələr qadına aiddir” deyə müğənni bildirib.

Sevda Sanaliyeva daha sonra toy bazarından danışıb.

“Desəm ki, toylardan hazırda qazanc yoxdur bu yalan olar. Təbii ki, əvvəlki illərdə olduğu kimi deyil, bunun üçün vaxt lazımdır. Hələ indi-indi düzəlməyə doğru gedir hər şey, adaptasiya dövrüdür. Bir müddət, tam bərpa olunanan qədər belə davam edəcək. Toylar açılsa da Məhərrəm ayıdır, 5 toy əvəzinə 2 toy olur. Amma əsas odur ki, toy qiymətləri elə eynidir, əvvəlki qiymətlərdir. İnsanlar həm maddi, həm də mənəvi cəhətdən çöküblər. Bu həmişə belə olmayacaq ki, hamı öz toyunu, şənliyini edəcək. Əvvəl toylara 500 nəfər çağırırdılarsa, indi 150 nəfər çağırırlar” deyə müğənni bildirib.


Paylaş: