Ötən gün Nanə Ağamalıyevanın aparıcılıq etdiyi “Şou ATV” proqramında yaşananlar sosial şəbəkələrin müzakirə mövzusuna çevirilib. “Qafqazinfo” xəbər verir ki, buna səbəb müğənni Manaf Ağayevin yeni ata olan həmkarı Tacir Şahmalıoğlunu səhnəyə qeyri-etik sözlərlə dəvət etməsi olub.
Belə ki, aparıcı proqrama daha bir qonağı dəvət edəcəyini açıqlayıb. Bu zaman Manaf Ağayev söz alaraq “Canavar, əjdahadır. 54 yaşında o işi görmək hər kişinin işi deyil. Ağır işdir” deyə bildirib. Müğənnin sözügedən sözləri hər kəsin gülüşünə səbəb olub.
Daha sonra proqramın digər qonağı Xalq artisti Teymur Mustafayev Tacirin ata olmasından xəbərsiz olduğunu vurğulayıb: “Mənim xəbərim olmayıb. Tacir, bu işini davam etdir. Dünyaya əsgər gəlir. Nə qədər artırırsan artır, başına dönüm. Dayanma”.


Paylaş: