Əməkdar artist Dilarə Əliyeva MTV-də yayımlanan “Söhbətsiz” proqramında qonaq olarkən maraqlı açıqlamalar verib. “Qafqazinfo” xəbər verir ki, məşhur aktrisa uzun illər bundan əvvəl qalmaqal yaşadığı əməkdar artist Röya Ayxan barədə danışıb.

Proqramda bildirilib ki, aktrisa vaxtilə müğənnini tənqid edib və qarşı tərəfin buna cavabı sərt olub. D. Əliyeva keçmişdə yaşanan bu məsələyə aydınlıq gətirib:

“Kəskin münasibət mən yox, Röya tərəfdən olub. O, düzgün anlamayıb. Hər zaman deyirdim ki, o şeyləri əvvəl Röya özünə icazə verirdi, hazırda isə əksinədir. İndi o başqa Röya olub. Heç kimlə şəxsi qərəzim yoxdur. Gedib kiminsə yerinə toyda mahnı oxuyacam?

Əlimdə o boyda veriliş, tamaşalarım, filmlərim var. Kiminsə yolunu kəsib qalmaqal edib, gündəmə gəlmək fikrim yoxdur. Gördüyünüz işin belə bir başqası tərəfindən analizini eşidirsinizsə, özünüzə fikir verin. Güzgünü çevirin fikirləşin ki, nəyi düz etmədim? Mənim heç kimlə münasibətim pis deyil”.



Paylaş: