Tarzən, Xalq artisti Ceyran Haşımova xəstəxanadan buraxılıb, müalicəsini evdə davam etdirir. «Şərq»ə açıqlama verən Xalq artisti hazırda özünü qismən yaxşı hiss etdiyini bildirib: «Evə buraxılmışam. Nəvələrim gəlib baş çəkir. Müalicələrim də davam edir».

Ceyran xanım xəstəxanaya ona baş çəkməyə gələn sənətçilərdən də danışıb. Bir az da gileyini gizlətmədi:

«Xəstəxanaya ancaq öz qızlarım - yəni Lalə qızlar ansamblından olan sənətçilər gəliblər. Rəhilə Bəndəliyeva, Təranə Vəlizadə. İndiki müğənnilərdən isə nə zəng edib halımı soruşan olub, nə də xəstəxanaya baş çəkməyə gələn. Bircə gənc sənətçi Humay Qədimovanı çıxmaq şərti ilə gənclərdən kimsə maraqlanmayıb. Humay sağ olsun, gəlib baş çəkdi. Əslində heç kimdən heç nə ummuram da, gözləmirəm də. İndi elə bir zamana gəlib çıxmışıq ki, adamın doğmaları halını soruşmur, qaldı ki yad-biganə xəstəxanaya gəlsin. Mən heç kimdən nəsə ummuram. Azdı, çoxdu müalicələrimi də özüm etdirirəm. Kimsə deyə bilməz ki, mənə bir manat kömək edib. Müalicələrimi də öz hesabıma edirəm. Yenə mətbuat sağ olsun ki, mənimlə maraqlanır».


Paylaş: