"Dərmandan zəhərlənmişdim. Ayağımda problem var. Ağrı kəssin deyə dərmanı çox içdim. O da əks təsir verdi və dəri zəhərlənməsinə səbəb oldu. İş qrafikim çox sıxdır. Heydər Əliyev Sarayında konsert verdikdən sonra ayağımı əməliyyat elətdirəcəyəm".
Musavat.com xəbər verir ki, bu sözləri müğənni Roza Zərgərli jurnalistlərin suallarını cavablayarkən deyib. O, omba əməliyyatı etdirməsi barədə yayılan xəbərlərə də münasibət bildirib:
"Bədənimdə heç bir əməliyyat izi yoxdur. Amma bir az yaşlanandan sonra üzümü səliqəyə salaram. Çünki səhnə adamıyam. Üzümdə estetik əməliyyata ehtiyac yoxdur. Burnum yerindədir. Məni illərlə tanıyan adamlar var. Bilirlər ki, bədən quruluşum necə olub. Kimə maraqlıdırsa, araşdıra bilər. Bədənimdə dəyişiklik etdirməmişəm".
Roza Zərgərli küsülü olduğu həmkarları Abbas Bağırov və Elza ilə münasibətinə aydınlıq gətirib:
"Elza Seyidcahan məndən üzr istəməyincə onunla barışmayacağam. Heç olmasa, deməlidir ki, “Sözdür də çıxdı ağzımdan, unut getsin”. Bu yaxınlarda Elza ilə üz-üzə gəlsəm də, heç bir reaksiya vermədim. Abbasa gəldikdə isə, o da üzr istəməsə, barışmayacağam. Onunla tədbirlərdə üz-üzə gəlirik. Amma mənim üçün önəm daşımır. Yaxşı bilir ki, haqsızdır. Mən boş yerə heç kimdən incimirəm. Daha çox böyüklük göstərirəm. Sadəcə aktyorluq edir. İnsanlar hər şeyi görür".
İfaçı müəllimə kimi fəaliyyətə başladığını da etiraf edib: “Bu haqda danışmağa nə ehtiyac var? “Mən müəllimlik edirəm” deyib, öyünməyə ehtiyacım yoxdur. Müəllimliyə başlamışam. İşlərimizi görəcəksiniz”.
Qeyd edək ki, müğənninin E.Seyidcahanla qalmaqalı “ATV maqazin onlarla” verilişində həmkarının ona dediyi “Heç kimə arzulamıram ki, İlhamə Quliyevanın “taxt”ında otursun. O, yaxşı “taxt” deyil. O “taxta” getsən, məhv olarsan, otur öz yerində” sözlərindən sonra yaranıb.
R.Zərgərlinin Abbasla münasibətlərinin korlanmasına səbəb isə ifaçının “Maşın” şouda bloqer Hüseyn Əzizoğlunun əli ilə onu oyundan çıxarması olub.


Paylaş: