Bazar ertəsi Avropada qazın spot qiyməti tarixi rekordunu yeniləyərək 1000 kubmetr üçün 3000 dollara çatıb.

Bu barədə ICE Futures birjasının məlumatından məlum olur.

Bildirilir ki, TTF qovşağında ən yaxın (aprel) fyuçerslərinin qiyməti min kubmetr üçün 3017 dollara çatıb, cümə günü isə hərrac 2150 dollar səviyyəsində başa çatıb.

Fevral ayı üçün TTF-nin orta qiyməti 935 dollar səviyyəsində olub.

Qeyd edək ki, “Qazprom” ötən həftə işlək vəziyyətdə qalan yeganə qaz-nasos qurğusunun təmiri ilə əlaqədar avqustun 31-dən sentyabrın 2-dək “Şimal axını” ilə qaz nəqlinin tamamilə dayandırılacağını elan etmişdi.