Yaponiya Rusiyanın Ukraynaya hərbi təcavüzünə görə yeni sanksiyalar tətbiq edib. Məhdudiyyətlər siyahısına “Rosselxozbank” və “Moskva Kredit Bankı” daxildir.

Bu barədə Yaponiya Xarici İşlər Nazirliyi (XİN) xəbər verir.

“Belarus İnkişaf və Yenidənqurma Bankı” da sanksiyalara məruz qalıb.

Yaponiya XİN ölkənin sənaye infrastrukturunun gücləndirilməsinə töhfə verən malların Rusiya Federasiyasına ixracına qadağa qoyacağını bildirib.

Bunun hansı mallara aid olduğu hələ dəqiqləşdirilməyib.

Bundan əlavə, Yaponiya Rusiyaya ixracı qadağan olunan malların sanksiya siyahısını genişləndirib. Siyahıya yüksək texnologiyalı avadanlıqlar, o cümlədən 3D printerlər və kvant hesablamaları üçün avadanlıq daxil edilib.

Mənbə: RBC-UKRAİNA