Böyük Britaniya kraliçası II Yelizaveta ölkənin Avropa İttifaqından çıxmasını nəzərdə tutan “Brexit” qanun layihəsini təsdiqləyib.

Bununla da Baş Nazir Boris Consonun “Brexit” sazişi Britaniya qanununa çevrilib. Sənəd kraliça tərəfindən bu gün imzalanıb. Ancaq bununla bağlı hər hansı rəsmi açıqlama verilməyib.

Qeyd edək ki, “Brexit”ə əsasən ölkə yanvarın 31-də Aİ-dən ayrılacaq. Bununla bərabər, İngiltərə Aİ-yə 30 milyard sterlinq ödəyəcək, ölkədə yaşayan Aİ vətəndaşlarının hüquqlarını zəmanət altına alacaq və İrlandiya dənizində gömrük məntəqəsi yaradacaq. 2020-ci ilin sonunadək davam edəcək keçid dövründə isə İngiltərə Brüsselin qanunlarına tabe olmağa davam edəcək.


Paylaş: