Norveç şahmatçısı Maqnus Karlsen rapid üzrə Dünya Çempionatının qalibi olub.

Səmərqənddə baş tutan  turnirdə 13 raundun yekununda Karlsen 10 xal toplayıb.

İkinci yeri Sloveniya təmsilçisi Vladimir Fedoseyev (9,5), üçüncü yeri çinli Yu Yangyi (9) tutub.

Turnirin qalibi 60 min dollar, gümüş mükafatçı 50 min dollar, bürünc mükafatçı 40 min dollar qazanıb.

Qeyd edək ki, 33 yaşlı Karlsen daha əvvəl 2014, 2015, 2019 və 2022-ci illərdə qalib gələrək beşqat rapid üzrə dünya çempionu olub. O, həmçinin blits üzrə altıqat dünya çempionu və 2023-cü il Dünya Kubokunun qalibidir.