Azərbaycan para-pauerliftinqçisi Talıb Zeynalov Birləşmiş Ərəb Əmirliklərinin Dubay şəhərində keçirilən pauerliftinq üzrə dünya çempionatında rekord qırıb.

Bu barədə Azərbaycan Milli Paralimpiya Komitəsi məlumat yayıb.

Gənclərin yarışında iştirak edən və 107 kiloqramdan artıq çəki dərəcəsində yarışan idmançımız üçüncü cəhdində 160 kiloqram ağırlığı qaldırıb. Bununla o, yeni rekorda imza atsa da, daha sonra misirli idmançı bu rekordu yeniləyib.

Yekunda idmançı iki gümüş mükafata yiyələnib. O, ən yaxşı nəticəyə (160 kq) və umümi çəkiyə (307 kq) görə buna nail olub.