Azərbaycan ağırlıqqaldıranı Dadaş Dadaşbəyli Belarusda keçirilən II MDB Oyunlarının qalibi olub.

Yeniavaz.com xəbər verir bu barədə Azərbaycan Ağır Atletika Federasiyası məlumat yayıb. Məlumata görə, idmançımız 109 kq çəki dərəcəsində bütün rəqiblərini üstələyib. O, cəmdə 393 kq (177+216) nəticə ilə fəxri kürsünün ən yüksək pilləsinə qalxaraq, qızıl medal qazanıb.

Eyni çəkidə çıxış edən Əli Şükürlü isə 300 kq-lıq (130+170) göstərici ilə 5-ci yeri tutub.

Qeyd edək ki, Qrodno şəhərindəki Buz İdman Sarayının yarış zalında təşkil olunan ağır atletika növündə 150-dən çox idmançı mübarizə aparır.