Böyük Britaniyanın Mançester şəhərində taekvondo üzrə Avropa çempionatı başa çatıb.

Böyüklər arasında Avropa çempionatında yeganə medalı olimpiya çempionumuz Radik İsaev 87 kq-dan yuxarı çəki dərəcəsində qazanıb. Titullu taekvondçumuz yarışın bürünc mükafatına sahib çıxıb.

Parataekvondo üzrə yığma komandamız Avropa çempionatında üç medala layiq görülüb.

Qitənin əsas yarışında parataekvondoçularımızdan İmaməddin Xəlilov (K-44 70 kq) gümüş, Sabir Zeynalov (K-44 58 kq) və Sadiq Həmidov (K-44 63 kq) bürünc medallar əldə ediblər.