Aldığımız reyri-rəsmi məlumata görə Qida Təhlükəsizliyi Agentliyinin rəhbəri Qoşqar Təhməzov bir neçə gün əvvəl qidadan zəhərlənib. Onun hansı şəraitdə (məclisdə, yaxud evdə) və hansı qidadan zəhərləndiyi barədə məlumat yoxdur.

Mənbənin verdiyi məlumatda bildirilir ki, Agentlik rəhbəri böyük ehtimalla həmin qidanın istehsal olunduğu, yaxud satıldığı obyektdə əməkdaş göndərmək məqsədi ilə axşam saatlarında rəhbəri olduğu qurumun “Qaynar xətti”nə zəng edib, lakin zəngə cavab verən olmayıb.

Bundan bərk əsəbləşən Agentlik rəhbəri səhər işə gələn kimi işçilərin iş qrafikində dəyişiklik edir. Belə ki, o günə kimi saat 9:00-dan 18:00-dək davam edən iş saatı əməkhaqqında heç bir artım edilmədən saat 21:00-dək uzadıldığı barədə qərarını elan edir.

Mənbənin verdiyi məlumatda o da bildirilir ki, Agentlik rəhbəri Qoşqar Təhməzovun tapşırığı əsasında, günboyu operativliyi təmin etmək məqsədi ilə qrafiklə gecə növbəsi təşkil olunacaq.

Bununla bağlı Qida Təhlükəsizliyi Agentliyinin mətbuat xidməti ilə əlaqə saxlamağa çalışsaq da, bu mümkün olmadı. (Millətinsəsi)


Paylaş: