"Qafqaz” Xəbər Agentliyinin hədə-qorxu ilə pul tələb etməkdə təqsirləndirilən baş redaktoru Mahmud Tağıyevin məhkəməsi bitib.

regionxeberlericom.az-un Bakupost.az-a istinadən məlumatına görə, Bakı Ağır Cinayətlər Məhkəməsində hakim Fikrət Qəribovun sədrliyi ilə keçirilən prosesdə M.Tağıyevə 12 il azadlıqdan məhrumetmə cəzası verilib.

Qeyd edək ki, "Qafqaz” Xəbər Agentliyinin (qafqaznews.az saytı) rəhbəri Tağıyev Mahmud Rasim oğlu Cinayət Məcəlləsinin 182.3.2-ci (hədə qorxu ilə tələb etmə) maddəsi ilə ittiham verilib. Onun cinayət işi üzrə zərərəçəkmiş şəxs qismində "ŞURATAZ LTD” MMC-yə faktiki rəhbərlik edən Xaliq Nəriman oğlu Abbasov və "Nort Vest Konstrakşn” MMC-nin icraçı direktoru Elçin Tofiq oğlu Bədəlov, həmçinin, daha iki nəfər tanınıb.


Paylaş: