Ağdaşda qətl törədilib.

Hadisə rayonun Aralbir kəndində qeydə alınıb.

Noyabrın 23-ü saat 10 radələrində kənd sakini 1977-ci il təvəllüdlü Qalib Soltanəli oğlu Musayevin yaşadığı evdə aralarında yaranmış münaqişə zəminində qardaşı 1975-ci il təvəllüdlü Mirmehdini qəsdən bıçaqlamasına əsaslı şübhələr müəyyən edilib.

Ağır xəsarət alan M.Musayev vəfat edib. Q.Musayev şübhəli şəxs qismində saxlanılıb.

Hadisənin mülk davası üstündə baş verdiyi bildirilir.

Faktla bağlı cinayət işi açılıb, araşdırma aparılır.