Rusiyanın Kemerovo şəhərində iki tramvay toqquşub.

RegionXəbərləricom.az “Kommersant”a istinadən xəbər verir ki, hadisə nəticəsində 67 nəfər xəsarət alıb. 

Onlardan üçünün vəziyyəti ağırdır. Daha 10 nəfər isə ambulator müalicəyə göndərilib. 

Qəzanın səbəbi hələ ki məlum deyil.

***

Şəhərin rəhbəri Dmitri Anisimov hadisə zamanı xəsarət alanlardan birinin dünyasını dəyişdiyini açıqlayıb. 

***

Kemerovo vilayətinin səhiyyə naziri Dmitri Beqlovun sözlərinə görə, qəza zamanı 90-dan çox insan yaralanıb.

***

TASS-ın məlumatına görə, qəza nəticəsində ümumilikdə 119 nəfər xəsarət alıb.

Onlardan 21 nəfəri xəstəxanaya yerləşdirilib. 84 böyük və 10 uşaq ambulator müalicəyə buraxılıb.