Bir neçə il öncə, Ölkə Başçısının tapşırığı ilə Azərbaycanın bütün rayonlarında və şəhərlərində böyük İdman Kompleksləri tikilməyə başlandı. Olimpiya oyunlarının keçiriləcəyi bütün ölkələrdə, bütün idman növləri ilə məşğul olmaq üçün, bu sistem qurulmağa başlandı. Nəzərdə tutulan dövr ərzində Olimpiya İdman Komplekslərini tikərək başa çatdıranlar da oldu, həmin komplekslərə ayrılmış pulları yeyərək, cəzaçəkmə müəssisələrinə gedənlər də...

Bu Olimpiya İdman Kompleksləri bütün maneələrə baxmayaraq, tikilərək təhvil verildi. Olimpiya Komplekslərindən fəaliyyətə başlayan ilklərdən biri də İmişli rayonunda tikilmiş, Olimpiya İdman Kompleksi oldu. Əvvəllər bu Olimpiya Kompleksinə Psixatriyanın baş həkiminin oğlunu rəhbər təyin etdilər. Sonradan isə, işlər yaxşı getmədiyi üçün həmin şəxsi işdən uzaqlaşdırdılar.

Bir neçə ay öncə, İmişli İdman Olimpiya Kompleksinə, Gənclər İdman İdarəsində aparıcı məsləhətçi olan Mehrəliyev İsmayılı rəis təyin etdilər. Bu arada xatırladaq ki, İmişli Gənclər və İdman İdarəsinin rəisi Abdulov Ceyhundur.

Redaksiyamıza bu məlumatı verən şəxs onu da bildirdi ki, "dəfələrlə sözügedən məsələ haqqında mediada çıxışım olsa da, nədənsə bəzi qüvvələr məsələnin araşdırılmasına mane olurlar. Sonuncu dəfə sizin redaksiyanıza inanaraq, bu faktları sizə çatdırıram".

Bəli, İmişli Olimpiya İdman Kompleksində çox biyabırçı halların baş verməsi, hamılıqla bizə utanc gətirir. Yazının yükünün ağırlığını nəzərə alaraq, Olimpiya İdman Kompleksində baş verənləri olduğu kimi təqdim edirik. Bu arada Olimpiya İdman Kompleksində yığılan pulların göstəriciləri aşağıdakı kimidir.

1. Üzgüçülüklə məşğul olan uşaqların və böyüklərin ayrıca qiymətləri 30 manat və 50 manat arası

(Su hovuzları gigiyenik qaydalara cavab vermir, dəri-zöhrəvi xəstəliklərə qarşı heç bir tədbir görülmür).

2. Futbolla məşğul olan şəxslərdən adambaşına 4-10 manat arası pul yığırlar.

3. Olimpiya İdman növü olan Güləşdən 20-35 manat arası pul yığılır.

4. Cüdodan

5. Kinq boksdan

Bütün idman növləri ilə məşğul olan şəxslərdən pul yığılır. Ona görə də yerlərdə idmançılarımızın zəif nəticə göstərməsi başa düşüləndir. Camaat rayonlarda dolanışıq üçün, min bir əziyyətlə pul qazanırlar. Amma idmanla məşğul olmaq üçün yenə ciblərindən pullar ödəməlidirlər.

Axı, cənab Prezidentimiz bu Olimpiya İdman Komplekslərini tikintisi üçün dövlət büdcəsindən pullar ayıranda, əziyyət çəkib qızıldan qiymətli vaxtını sərf edərək, bu komplekslərin açılışını edəndə xalqımıza, idmançılarımıza bu kompleksləri hədiyyə edərək göstərirdi ki, heç kim sizin haqqınızı yeyə bilməz. Amma işbazlar bu idman Komplekslərindən atalarının tikdirdiyi obyekt kimi istifadə edirlər. Ora sauna kimi baxırlar.

Biz bir media qurumu olaraq, bütün ətrafımızda olan insanlara bildiririk ki, Azərbaycanda fəaliyyət göstərən bütün Olimpiya İdman Komplekslərindən reportajlar hazırlayaraq, həm cəmiyyətimizə, həm də cənab Prezidentimizə təqdim edəcəyik. Heç kim özünü yoraraq, bizim haqq işimizə mane olmağa hazırlaşmasınlar. Xalqın təmannasız olaraq istifadə edə biləcəyi əmlaklardan biz qoymarıq ki, kimsə özününki kimi istifadə etsin.

Ardı var... //gundelik-baku.com//