Qida Təhlükəsizliyi Agentliyi bayram günlərində qurbanlıq heyvanların satışı və kəsimi ilə məşğul olan şəxslərə müraciət edib.

Müraciətdə şəhərin küçələrində və yol kənarlarında antisanitar şəraitin yaradılmaması üçün onları heyvan satışı və kəsimini baytarlıq-sanitariya və gigiyena normalarına cavab verən stasionar heyvan kəsimi məntəqələrində və Qurban bayramı ilə bağlı yerli icra orqanları ilə birgə təşkil olunmuş çadırtipli kəsim məkanlarında həyata keçirməyə çağırış yer alıb. Qurban bayramı günlərində respublika üzrə 44 stasionar və 30 çadırtipli heyvan kəsimi məntəqəsi fəaliyyət göstərəcək.

Maraqlıdır, həyətlərdə qurban kəsimi ilə bağlı hansısa qadağa olacaqmı?

Bu barədə Cebhe.info-nun sorğusuna AQTA-dan verilən məlumatda bildirilib ki, şəxsi istifadə üçün öz həyatyanı sahəsində qurban kəsən şəxslərə heyvanı kəsməzdən əvvəl baytar müayinəsindən keçirilmələri tövsiyə olunur:

“O ki qaldı qanunsuz olaraq küçə və yol kənarlarında antisanitar şəraitdə heyvan kəsimi və satışı ilə məşğul olan şəxslərə, diqqətinizə çatdırırırq ki, bu cür fəaliyyət qanunvericiliklə qadağandır və bu kimi halların qarşısının alınması üçün aidiyyəti icra oraqnları ilə birlikdə qanunvericilik çərçivəsində tədbirlər həyata keçiriləcək”.


Paylaş: