Xəbər verildiyi kimi, sentyabrın 14-də Prezident İlham Əliyev Rafiq Cəlilovu Cəlilabad rayon İcra Hakimiyyətinin başçısı və Rəşad Tağıyevi Şəmkir rayon İcra Hakimiyyətinin başçısı vəzifələrinə təyin olunmaları ilə əlaqədar videoformatda qəbul etmişdi. Görüş zamanı ölkə başçısı hər iki yeni təyin olunan icra başçısına tapşırıqlardan əlavə bir sıra tövsiyyələr də verib. Qəbulda “əsas infrastruktur layihələrinin başa çatması o demək deyil ki, biz bu maliyyə və maddi dəstəyi kəsəcəyik. Yox, verəcəyik, ancaq məqsədyönlü şəkildə, ancaq bütün qaydaları nəzərə almaq şərti ilə verəcəyik. Bir də ki, həbs edilmiş icra başçıları, – təkcə Cəlilabad, Şəmkir rayonlarından söhbət getmir, – digər rayonlarda da tender prosedurlarını kobudcasına pozurdular. Yəni, dövlət xətti ilə aparılan layihələrin, dövlət alışlarının icrası ilə əlaqədar tenderlərdə adətən bir neçə icra başçısına, ya da ki, onun müavininə yaxın olan şirkətlər qalib gəlirdilər. Nə üçün? Çünki burada da rüşvətxorluq və mənimsəmə halları kütləvi xarakter alırdı və bu da dövlət büdcəsinə böyük ziyandır”, – deyə dövlətimizin başçısı bildirib.

Qeyd edək ki, Prezident İlham Əliyevin gündəmə bir daha gətirdiyi bu məsələ ölkə ictimaiyyəti tərəfindən də razılıq hissi ilə qarşılandı və əvvəlki bir neçə icra başçılarının açınacaqlı aqibətindən hələ də nəticə çıxarılmadığı geniş müzakirələrə səbəb oldu.

Tender prosedurlarında qanunların kobudcasına pozulması halları hazırda günümüzün ən aktual mövzularındandır. Vəzifəli şəxslərin yaxınlarının adlarına dövlət qeydiyyatına alınmış MMC-lər barəsəndə elektron kütləvi informasiya vasitələrində demək olar hər gün yeni-yeni məlumatlara rast gəlinir. Xüsusilə qeyd etmək istərdik ki, buna təkcə İcra hakimiyyəti strukturlarında deyil, digər nazirliklərə tabeli dövlət qurumlarında da rəvac verilir. Hesablama Palatasının açıqlamalarında da bir çox dövlət qurumlarında maliyyə pozuntularının məhz tender prosedurlarında yol verildiyi bildirilir.

Qeyd edək ki, son vaxtlar dövlət satınalmalarında yol verilən qanunsuzluqlar daha çox tender və kotirovka sorğuları keçirildəkdən sonra nəticələrinin ictimaiyyətə açıqlanmamasında müşahidə edilir. Belə ki, bir çox dövlət qurumları özlərinə yaxın şirkətlərlə müqavilə bağladığından gizli sövdələşmələr aşkar olunmasın deyə satınalmaların nəticələrini qanunda göstərildiyi kimi tam açıqlamır. Bu da tender prosedurlarında gizlin sövdələşmələrə yol verildiyini deməyə əsaslar verir.

Aktualinfo.org-un Samux Mənzil-Kommunal Təsərrüfatı İstehsalat Birliyi tərəfindən keçirilmiş kotirovka sorğusu prosedurları ətrafında apardığı araşdırmalar da bir çox qanun pozuntusuna yol verildiyi məlum olmuşdur. Belə ki, Samux Mənzil-Kommunal Təsərrüfatı İstehsalat Birliyi tərəfindən 2020-2021-ci illərdə bir neçə kotirovka sorğusu keçirmişdir ki, nəticələri, yəni,hansı şirkətlərlə müqavilə bağlanması, alınan mallar və xidmətlər üçün nə qədər dövlət vəsaitinin ayrılması barədə məlumatlar ictimaiyyətdən gizlədilmişdir. Sözügedən qurumun təkcə 2020-ci ildə elan etdiyi, lakin nəticələrini açıqlamadığı kotirovka sorğularını diqqətinizə çatdırırıq.

Tikili və avadanlıqların cari təmiri üzrə 16.06.2021-ci il tarixdə elan olunmuş kotirovka sorğusunun nəticələri;

Dəftərxana ləvazimatları və təsərrüfat mallarının satın alınması üzrə 08.06.2021-ci il tarixdə elan olunmuş kotirovka sorğusunun nəticələri;

Maşın və avadanlıqların satın alınması üzrə 05.05.2021-ci il tarixdə elan olunmuş kotirovka sorğusunun nəticələri;

Samux Rayon Mənzil Kommunal Təsərrüfatı İstehsalat Birliyində Bayraqların satın alınması üzrə 20.04.2021-ci il tarixdə elan olunmuş kotirovka sorğusunun nəticələri;

Samux rayon Mənzil Kommunal Təsərrüfatı İstehsalat Birliyində ötürücü qurğuların alınması üzrə 15.04.2021-ci il tarixdə elan olunmuş kotirovka sorğusunun nəticələri;

Abadlıq işlərinin aparılması məqsədilə mal-materialların satın alınması üzrə 13.04.2021-ci il tarixdə elan olunmuş kotirovka sorğusunun nəticələri;

Samux rayon Mənzil Kommunal Təsərrüfatı İstehsalat Birliyində nəqliyyat vasitələrinin cari təmiri üzrə 12.04.2021-ci il tarixdə elan olunmuş kotirovka sorğusunun nəticələri;

Samux rayon Mənzil Kommunal Təsərrüfatı İstehsalat Birliyində abadlaşdırma və təmizlik işlərinin həyata keçirilməsi məqsədilə təsərrüfat mallarının satın alınması üzrə 08.04.2021-ci il tarixdə elan olunmuş kotirovka sorğusunun nəticələri;

Samux rayon Mənzil Kommunal Təsərrüfatı İstehsalat Birliyində yaşıllaşdırma işlərinin həyata keçirilməsi məqsədilə mal-materialların, ağac tinglərin, bəzək kolları və gül çiçəklərin satın alınması üzrə 12.03.2021-ci il tarixdə elan olunmuş kotirovka sorğusunun nəticələri;

İşıqlandırma işlərinin görülməsi üçün mal-materialların satın alınması üzrə 17.02.2021-ci il tarixdə elan olunmuş kotirovka sorğusunun nəticələri;

Mənzillərin əsaslı və cari təmiri obyekti üzrə iş və xidmətlərin satın alınması üzrə 15.10.2020-ci il tarixdə elan olunmuş kotirovka sorğusunun nəticələri;

Yaşıllaşdırma işlərinin həyata keçirilməsi məqsədilə mal-materialların, ağac tinglərin, bəzək kolları və gül-çiçəklərin satın alınması üzrə 23.06.2020-ci il tarixdə elan olunmuş kotirovka sorğusun da 46250 manat məbləöində satınalma müqaviləsi 19.08.2020-ci il tarixdə “VİS” MMC ilə bağlanılıb.

Kommersiya qurumunun hüquqi şəxslərin dövlət reyestrinə daxil edilmiş məlumatlarında “VİS” Məhdud Məsuliyyətli Cəmiyyətinin 03.02.2020-ci il tarixdə İqtisadiyyat Nazirliyi yanında Dövlət Vergi Xidmətinin 12 saylı Ərazi Vergilər İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 10 manat olan MMC-nin hüquqi ünvanının GƏNCƏ ŞƏHƏRİ, OZAN, ev 104, m. 9, qanuni təmsilçisi kimi isə Fərəcov Hafiz Nazim oğlu qeyd olunub.

Göründüyü kimi MMC fevral ayında dövlət qeydiyyatına alındığı halda avqust ayında İstehsalat Birliyi satınalma müqaviləsi bağlayıb. MMC-nin ixtisas göstəriciləri və maddi texniki bazası barədə açıq mənbələrdə heç bir məlumat yoxdur.

Avtonəqliyyat vasitələrinin təmiri üçün ehtiyyat hissələrinin satın alınması üzrə 23.06.2020-ci il tarixdə elan olunmuş kotirovka sorğusunun nəticələri;

Dövlət satınalmalarının rəsmi portalına yerləşdirilmiş məlumatlardan da görsəndiyi kimi Samux Mənzil-Kommunal Təsərrüfatı İstehsalat Birliyinin Tender Komissiyası yuxarıda göstərilən tarixlərdə kotirovka sorğularının keçirilməsi barədə elan versə də, keçirilmiş kotirovka sorğularının nəticələri barədə məlumatları gizlətmiş, müqavilələrin bağlanması barədə heç bir məlumat verməmiş, ayrılan vəsaitlər barədə məlumatları açıqlamamaşdır. Xüsusilə qeyd etmək istərdik ki, bir neçə tender elanından başqa Samux Mənzil-Kommunal Təsərrüfatı İstehsalat Birliyinin Tender Komissiyası tərəfindən keçirilmiş kotirovka sorğularının nəticələri barədə Dövlət satınalmalarının rəsmi portalının bazasında heç bir məlumat yerləşdirilməyib. Bu da yuxarıda qeyd etdiyimiz kimi “Dövlət Satınalmaları Haqqında” Azərbaycan Respublikası Qanununun 10-cu maddəsinin tələblərinin ciddi şəkildə pozulması deməkdir.

Onu da xüsusilə vurğulamaq istərdik ki, Samux Mənzil-Kommunal Təsərrüfatı İstehsalat Birliyi Tender Komissiyasının elektron poçtuna ünvanladığımız sorğu məktubuna nəinki cavab verilməyib, hətta heç baxılmayıb da. Bunu bizə tender komissiyasının üzvlərindən biri bildirdi. İstehsalat Birliyinin rəisi Mahir Əliyev isə ümumiyyətlə telefonunu açmadı. Bütün bunlara özbaşınalıqdan başqa nə ad vermək olar?

Etibarlı mənbələrdən əldə etdiyimiz məlumatlara görə Samux Mənzil-Kommunal Təsərrüfatı İstehsalat Birliyinin rəisi Mahir Əliyev İcra başçısı Alı Qocayevin rayondakı ən yaxın adamlarından biri kimi tanınır. Məlumatlara görə Alı Qocayev 2012-ci ildə Samux rayon İcra Hakimiyyətinə başçı təyin edildikdən sonra vəzifə başına gətirdiyi Mahir Əliyevə geniş səlahiyyətlər verib. Mahir Əliyev də bu fürsətlərdən istifadə edərək abadlaşdırma və təmizlik işlərinə, nəqliyyat vasitələrinin cari təmirinə, mənzillərin əsaslı və cari təmiri işlərinə, işıqlandırma və yaşıllaşdırma işlərinin həyata keçirilməsinə ayrılan dövlət vəsaitlərini özünə yaxın şəxslərin adına yaradılmış şirkətlər vasiyəsilə təyinatından kənarlaşdırmaqla məşğuldur. Təbii ki, bütün bunlar da bir İcra başçısı kimi Alı Qocayevin nəzarəti altında həyata keçirilir.

Göründüyü kimi, Alı Qocayev Prezident İlham Əliyevin tender prosedurlarını kobudcasına pozan İcra başçılarına tutduğu iradlardan hələ də nəticə çıxarmayıb. Prezident İlham Əliyev görüşdə xüsusilə vurğuladı ki, “həbs edilmiş icra başçıları, – təkcə Cəlilabad, Şəmkir rayonlarından söhbət getmir, – digər rayonlarda da tender prosedurlarını kobudcasına pozurdular.” Göründüyü kimi cənab Prezident “pozurdular” – deyir. Amma Alı Qocayevin başçılıq etdiyi Samux rayonunda isə tender prosedurları hələ də pozulur.

Aktualinfo.org



Paylaş: