RegionXəbərləri.com-a Ucar rayonu Alpout kənd sakini Abbasova Mehriban İnqilab qızı tərəfindən daxil olan müraciətdə deyilir;
 
"03 sentyabr 2021-ci il tarixdə təxminən saat 16-00 radələrində bizim ailəyə məxsus 1 mərtəbəli, 3 otaqdan ibarət, ümumi sahəsi 210 kvadrat olan ev içərisindəki əşyalarla birlikdə tamamilə yanaraq külə dönmüşdür.
Bunun isə səbəbkarı Ucar Elektrik Şəbəkəsinin və Fövqəladə Hallar Nazirliyinin Yanğından mühafizə Xidmətinin Ucar rayon şöbəsinin yarıtmaz fəaliyyəti olmuşdur.
Belə ki, evimin yaxınlığında taxtadan olan elektirik dirəklərindəki naqillərinin yararsızlığından ilk olaraq çəpər yanmağa başladı.Tez zəng edib məlumat verdik.Hadisə yerinə gələn Fövqəladə Hallar Nazirliyinin Yanğından mühafizə Xidmətinin Ucar rayon şöbəsi yanğını söndürüb getdilər.Yanğın tam söndürülmədiyindən və ətrafa diqqət yetirilmədiyindən yenidən alışma baş verdi nəticədədə ev yanaraq külə dönmüşdür.Evin yanmasının səbəbkarı Ucar Elektirik Şəbəkəsi və Yanğından Mühafizə Xidmətinin səhlənkarlığı , yarıtmaz fəaliyyəti olmuşdur.
Çünki yanğına səbəb yararsız taxta elektrik dirəklərindəki yararsız naqillərin ətrafa od saçması olmuşdur.Hansı ki, biz bu barədə dəfələrlə Ucar Elektrik Şəbəkəsinə məlumat vermişik ancaq tədbir görmədilər.Hansı ki, həmin taxtadan olan elektrik dirəkləri və naqilləri təcili dəyişdirilməli idi.
Yanğından Mühafizə Xidməti isə yarım maşın su ilə hadisə yerinə gəliblər.Onlar ilk dəfə çəpər yananda gəlib orada dəqiq iş görsəydilər bir neçə saatdan sonra ev yanmazdı.
İlin günün bu ağır vaxtında bizim ailə iki yaramaz qurumun qanunsuzluğu ucbatından evsiz çöllərdə qalmışıq.Buna görə hər iki qurum məsuliyyət daşıyırlar.Ucar Elektirik Şəbəkəsinin rəhbərliyi işinin öhdəsindən gələ bilmir.
Mən mətbuat vasitəsi ilə Prezident cənab İlham Əliyevdən və Mehriban xanım Əliyevadan xahiş edirəm bizim ailəyə maddi köməklik edin evimizi inşa etdirək ki, çöllərdə qalmayaq.
Mən mətbuat vasitəsi ilə həmçinin "Azərişıq" ASC-nin sədri Vüqar Əhmədovdan və Fövqəladə Hallar Naziri Kəmaləddin Heydərovdan xahiş edirəm bu məsələni araşdırıb işinə məsuliyyətsiz yanaşan vəzifəli şəxslərin barəsində ciddi tədbirlər görəsiniz.
Əlaqə telefonu;050 403-02-00"

Qarşı tərəfin də mövqeyini dərc etməyə hazırıq...

RegionXəbərləri.com 

















Paylaş: