“Azəravtoyol” ASC-də biyabırçılıq
Müqəddəs İslam dini qeyrətli olmağı, namusu qoruyub saxlamağı imanın və kişiliyin əlamətlərindən hesab edir. Allah-taala qeyrətliləri sevir və məhz öz qeyrəti səbəbi ilə bütün zahiri və batini fahişəlikləri, pozğunluqları haram etmişdir.
Əxlaq elə bir ağır zaddır ki
Milli mentalitetimiz namusu kişiyə həvalə etsə də, namus qadının boyuna biçilmiş bir anlayışdır. Biz dünyəvi qaydaların, yaşam tərzinin əvvəlinə “Milli” sözünü əlavə etməklə yetişmişik. Milli Mentalitetə balta vurub, qeyrəti iki quruşluq edən, milli- mənəvi dəyərlərlə qaçdı-tutdu oynayan, dırnaq arası qəhrəmanımız Azərbaycan Avtomobil Yolları Dövlət Agentliyinin Şamaxı Xüsusi Təyinatlı Yol istismar MMC-nin rəisi Nazim Eynallıdır. Şamaxı rayon sakini Mehmanın həyat yoldaşı Eynallının katibəsi vəzifəsini icra etməyə başladıqdan sonra, Nazimin ailəyə qarşı səxavəti bitib- tükənmir. Ailənin evinin təmiri, Mehmanı yanında işə götürmək, katibəsinə mobil telefon, bahalı ətir , Allahın adı ilə şeytani əməlləri, müdrin səxavətindən qaynaqlanan digər nəsnələr hamısı səxavət hissi ilə qarışmış şəhvətin təzahürü idi. Eynallı qərar vermişdir ki, cənnətə başqa mələklər də dəvət etsin, cənnətin qapısı açıldıqdan sonra ilk məlakəsi Mehmanın həyat yoldaşı olur. Nazimin surreal ifadələri, bahalı hədiyyələri qadını kəməndə salmaq üçün kifayət edir. Eynallının istifadə etdiyi “priyom” dahiyanədir. Müdrinin unikal hərəkətlərinə heyran olan qadın, təsəvvür etmirdi ki, heyranı olduğu kişinin qurbanına çevriləcək.
Katibə müdrindən hamilə qaldı
Dəhşətli inamsızlıq və bədgümanlıq içində yaşamaq ən böyük qəhrəmanlıqdır, Mehmanı isə qəhrəman deyil, avvam hesab etmək daha məqsədəuyğun olar. Həyat yoldaşı və öz doğma bibisiqızı olan qadının, onu öz səxavətli, xeyriyyəçi nəhayət, əxlaq kötüyü olan müdri ilə aldatmasını ağlına gətirmirdi. Axı Eynallı köhnə kişilərdəndir, kişinin öz qızı yaşında qadının namusuna göz dikməsi, onunla eşq yaşayıb, uşaq peydahlaması kişiliyə yaraşmayan əxlaqsızlıq, nakişilikdir. Şəxsinə cəmiyyətdə kişi deyə xitab olunan ağsaqqal Nazim kabinetini otel otağı zənn edib, şəhvətinin sehrinə düşərək, böyük günahının surprizini qadının bətninə atır. Mehmanla dostluq əlaqələrini möhkəmlətməkdə israrlı olan müdir, dostluğun kölgəsində gizlənib xəyanət oyununu davam etməkdə israrlı idi.
Homoseksuallıq yoxsa, düşünülmüş plan
Mehmanın qəlbinə şübhə toxumlarının səpildiyini sezən Nazim məşuqəsinin həyat yoldaşını kabinetinə çağıraraq, başında ağrı olduğunu, ağrısının keçməsi üçün Mehmanın əllərindən başqa ona məlhəm olmayacağını düşünərək, Mehmanı özünə mehman etmək istəyir. Lakin planı baş tutmur. Kabinetində tək qaldıqdan sonra vicdan və mədəniyyət işığına, qeyrət sözlüyünə baxmaq üçün fürsəti olsa da, fürsətdən özünü nazim etmək üçün yararlanır.
Milli mentalitetimizə sığmaz
Ümumiyyətlə , bizim toplumun namus, qeyrət anlayışında ciddi qanunlar var. Qadın öz tayfasından olan kişi xeylaqlarının hamısının namusuna cavabdehdir. Qadın bir növ qeyrət dağarcığı, namus bankıdır. Mehmanın namus bankını qarət edən Nazim Eynallı nə gördüyü işdən, nə etdiyi qələtdən utanır. Tərcümeyi –halındakı kişi sözündən ar etməyən, yaşının ahıl çağında kiminsə namusunu dizləri üstə alan, qeyrətdən kişilikdən ağız dolusu söz açan Nazim Mehmana inandırmağa çalışırdı ki, Mən Bilgə Kağan nəsilindən olan, əsl türk kişisiyəm. Leksikondakı ər sözü mənə haram olsun ki, sənin qadının mənim balamdır. Yalan vədi Eynallıya baha başa gəldi, bala boyda bəlaya düçar olaraq, ölkədə rüsvay oldu. Ahıl yaşında adı fahişəlikdə hallanmaq qəbirə diri-diri gömülmək kimi bir şeydir. Bu hadisədən sonra Azərbaycanda nakişilik simvolu dedikdə, Eynallının şəxsi ilk pillələrdə xatırlanıb, şəninə layiq ifadələrlə yad ediləcək.
Eynallı kişilik simvolu olan qeyrətdən məhrumdur
Qeyrət cəmiyyətin paklığına münasibətdə insani bir həssaslıqdır. Hədisə görə, qeyrətli şəxs heç vaxt zina etmir.Digər tərəfdən , şəhvət hissini başına buraxan insanda iffət, təqva və əxlaqi keyfiyyətlər zəifləyir, qeyrət də sair kamilliklər kimi süquta uğrayır. Nazim Eynallıda əxlaqi keyfiyyətlər bəndi çoxdan çürüyüb, daxilindəki qeyrət məmləkəti isə süqutunun faciəsini yaşayır.
Prezidentə Müraciət
Mehmanın şübhə toxumları cücərdiyini görən Eynallı dost cığırından düşmən cığırına keçid edib, taktikasını dəyişərək, Mehmana hədə- qorxu gəlməyə başlayıb. Bu söhbət darvazadan kənara çıxsa, Mehmanın başı bədəninə ağırlıq edəcək. Həyatı təhlükədə olan kimsəsiz Mehman pencəyini götürüb, Bakıya , dövlət başçısına pənah gətirib. Prezidentə müraciət edərək, şəxsinin təhlükədə olduğunu bəyan etdi.
Redaksiyamızın əməkdaşı İttihamla bağlı Nazim Eynallı ilə əlaqə saxlayaraq,ittihamın həqiqətə uyğun olub, olmadığını araşdırmağa çalışdı. Eynallı edilən ittihamla bağlı məhkəməyə üz tutduğunu söyləyib. DNT analizindən sonra, yaxın gələcəkdə uşağın əsl atasının kimliyinin bəlli olacağını qeyd etdi.
P.S. Növbəti yazıda “Azəravtoyol” ASC- nin sədri Saleh Məmmədovun Novxanıda yeni inşa etdirdiyi 40 otaqlı bağ evindən bəhs edən yazı ilə tanış ola bilərsiniz. (Cia.az)


Paylaş: