Abşeron Rayon İcra Hakimiyyəti Fatmayi qəsəbəsində bir neçə evi dağıdıb.

Bu barədə Muxalifet.az məlumat yayıb.

Məlumata görə, vətəndaşların evləri icra başçısının tapşırığına əsasən kütləvi sökülüb.

Sakinlər deyiblər ki, icra başçısı İradə Gülməmmədovanın əməkdaşları “Niva” avtomobilləri ilə əraziyə gələrək, ağır texnikanın köməyi ilə Fatmayi bağlarında aparılan tikintiləri heç bir əsası olmadan dağıdıblar.

Zərərçəkən vətəndaşlar bildirib ki, tikinti aparılması ilə bağlı vaxtında Abşeron Rayon İcra Hakimiyyətinə lazımi sənədləri təqdim ediblər.

Qanunla müəyyən olunmuş müddət ərzində İcra Hakimiyyətindən cavab gəlmədiyi üçün tikintiyə başlayıblar: “Hansı ki müvafiq qanunvericiliyə uyğun olaraq, İcra Hakimiyyətindən etiraz məktubu daxil olmadıqda, bu, vətəndaşın müraciətinə müsbət cavab verilməsi anlamına gəlir. Bununla belə, icra başçısı İradə Gülməmmədovanın göstərişi ilə sakinlərə heç bir xəbərdarlıq edilmədən onları tikdiyi hasarların və evlərin kütləvi surətdə söküntüsü aparılır”.

Vətəndaşlar deyibki, icar başçısı “qoçuları”nın bu özbaşınalığı sakinlər arasında kütləvi etiraza səbəb olub.

Arqument.Az problemlə bağlı İcra başçısının köməkçisi Fuad Xəlilov və Memarlıq və tikinti şöbəsinin müdiri Akif Əliyevlə əlaqə saxlamağa çalışsa da, heç biri zənglərə cavab verməyib.


Paylaş: