İran İslam Respublikasının təhlükəsizlik orqanları Türkiyədə yaşayan güneyli milli-siyasi fəalları araşdırır. Bu barədə Türkiyədə yaşayan güneyli siyasi fəallar müraciət Kərim Əsgəri məlumat verib. Cebhe.info xəbər verir ki, özü dəTürkiyədə yaşayan güneyli milli fəal “facebook” səhifəsində bununla bağlı xəbərdarlıq edib:
“Türkiyədə yaşayan Güney Azərbaycanlı milli fəalların diqqətinə! Bu günlərdə Türkiyənin şəhərlərindən birində yaşayan güneydən olan ailə dostumuz mənimlə əlaqə saxladı. Çox narahat və tədirgin idi. O, siyasi fəalliyyətlə məşğul deyil, siyasi yönü, düşüncəsi də yoxdur. Bu günlərdə Ərdəbilə səfəri zamanı onu təhlükəsizlik idarəsinə çağırıb, məlumat almağa çalışıblar.

Onu təhdid edib, müxtəlif vədlər də veriblər. Türkiyədə yaşayan hər hansı dostunun, tanışının olub-olmadıını soruşublar. Türkiyədə yaşayan milli fəallar, o cümlədən mənim barəmdə soruşublar. Sosial mediada yazışmalarımızı ona təqdim ediblər. Ondan Ankaraya köçməsini, mənimlə əlaqələrini daha da sıxlaşdırmasını, siyasi fəaliyyətlə məşğul olmasını tələb ediblər”.
Kərim Əsgəri hesab edir ki, Türkiyə Prezidenti Rəcəb Tayyib Ərdoğanın Bakıda səsləndirdiyi “Arazı ayırdılar” şeiri İranda narahatlıq yaradıb və bundan sonra güneyli aktivlərin fəaliyyətin daha yaxından izləniləcək.

Güneyli siyasi fəal hər kəsi ehtiyatlı olmağa səsləyib: “Xahiş edirəm, özünüz və ailə üzvləriniz ehtiyatlı olun. Bizim yolumuz bəllidir. Bu yolda ölmək var, dönmək yoxdur. Lakin diqqətli olmalıyıq. Yaşasın Bütöv Azərbaycan! Yaşasın türk dünyası!”


Paylaş: