Məşhur “Hilton” hotellər şəbəkəsinin varisi, eyni zamanda müğənni və model kimi tanınan Paris Hiltonun Los-Ancelesdə yerləşən evi güclü yanğın nəticəsində külə dönüb.

Paris bu barədə sosial media hesabında məlumat paylaşıb.

Eyni zamanda, aktyorlar Ceyms Hovard Vuds və Spenser Uilyam Pratt da yanğınların onların evlərinə ziyan vurduğunu bildiriblər. Bildirək ki, baş verən yanğınlar azı 5 nəfərin həyatını itirməsi ilə nəticələnib.

Qeyd edək ki, dünyaca məşhur “Hilton” hotellər şəbəkəsinin varisi Paris Hilton təkcə biznes sahəsində deyil, eyni zamanda şou-biznesdə də tanınan simadır. O, müğənni, aktrisa, model və televiziya ulduzu kimi müxtəlif sahələrdə fəaliyyət göstərib.