Rusiya-Ukrayna müharibəsinin gedişində Kiyevin rus ərazilərini ABŞ və Britaniya raketləri ilə vurması hərarəti yenidən qaldırıb. Digər tərəfdən NATO-nun Ukraynaya hərbi qüvvə göndərməsi də gündəmdədir.

Rusiya XİN-in sözçüsü Mariya Zaxarova qərbin bu addımının “axmaqlıq” olduğunu bildirib. Zaxarova Moldovanın NATO üçün  “silah anbarı”na çevrildiyini qeyd edib.

Qeyd edək ki, NATO-nun əsas dövlətlərinin Ukrayna müharibəsinə 800 min hərbçi göndərəcəyi ilə bağlı iddialar dolaşır. “Operation Deutschland” olaraq bilinən əməliyyat planına görə, nəzərdə tutulan hərbçilər cəbhənin müxtəlif yerlərinə göndəriləcək.