Macarıstan parlamenti son vaxtlara qədər Konstitusiya Məhkəməsinin sədri olmuş Tamaş Şuyoku ölkənin yeni prezidenti seçib.

O, pedofiliya cinayətində əli olan şəxsin əfv olunması ilə bağlı qalmaqal fonunda istefa verən dövlət başçısı vəzifəsində Katalin Novakı əvəz edəcək.

Yaz sessiyasının ilk günündə yeni prezidentin seçilməsi baş tutub. Səsvermə zamanı bütün hökumətyönlü deputatlar 67 yaşlı Şuyoku dəstəkləyiblər və bu, onun birinci turda qələbəsini təmin edib.