Nyu-York məhkəməsi ABŞ-nin keçmiş prezidenti Donald Trampı dələduzluqda ittiham edib.

Bu barədə “CNN” telekanalı məlumat yayıb.

Telekanalın məlumatına görə, ABŞ-nin keçmiş prezidenti 355 milyon dollar cərimə ödəməlidir. Bundan başqa, ona 3 il müddətinə Nyu-York ştatında şirkətlərdə rəhbər vəzifələr tutmaq qadağan edilib.

Tramp həmçinin dövlət banklarından kredit tələb edə bilməyəcək. Məhkəmə müəyyən edib ki, Amerikanın keçmiş prezidenti daha sərfəli tariflərlə kredit və sığorta əldə etmək üçün maliyyə hesabatlarını saxtalaşdırıb.

Trampın vəkili Alina Habba məhkəmənin qərarını ədalətsiz hesab edib.