Yanvarın 12-də NASA və "Lockheed Martin" şirkəti səsdən sürətli eksperimental "X-59 Questst" təyyarəsini rəsmi olaraq təqdim edib. Kaliforniyanın Palmdale şəhərində baş tutan təqdimat Amerika Aerokosmik Agentliyinin YouTube kanalında yayımlanıb.

Təyyarənin əsas xüsusiyyəti onun səs baryerini sındıran zaman xeyli aşağı səs səviyyəsidir. Bu nəticə ən rasional dizayn sayəsində əldə edilib. Xüsusilə, kokpit demək olar ki, gövdənin ortasında yerləşir və adi ön pəncərəyə malik deyil, bunun əvəzinə yan pəncərə var. Frontal görünmə isə yüksək səviyyəli təsvir ayırdetmə qabiliyyətinə malik monitorlar tərəfindən təmin edilir.

1973-cü ildə Federal Aviasiya İdarəsi qeyri-hərbi təyyarələrin quruda və sahil boyunca səsdən sürətli uçuşunu qadağan edib. Qadağanın tətbiqinə ictimai təzyiq səbəb olub - amerikalılar səsdən sürətli təyyarələrin uçuşlarından və əhali məskunlaşan ərazilər üzərində müşayiət olunan yüksək səslərdən narahat idilər.

Təyyarə yaşayış məntəqələri üzərində sınaq uçuşları həyata keçirməli olacaq ki, mütəxəssislər yerdəki insanların səs bumunun həcminə necə reaksiya verdiyini qiymətləndirə bilsinlər. Yalnız bundan sonra NASA kommersiya uçuşlarına icazə almaq üçün məlumatları tənzimləyici orqanlara (xüsusən də Federal Aviasiya Administrasiyasına) təqdim edəcək.